قازىرگى ساتتە ءال-فارابي اتىنداعى قازاق ۇلتتىق ۋنيۆەرسيتەتىنىڭ وقىتۋشى-پروفەسسورلار قۇرامىنىڭ 50 پايىزى (1142)، قىزمەتكەرلەردىڭ 44 پايىزى (843)، ال ستۋدەنتتەردىڭ 22 پايىزى (4001) ەكپە الدى. جوو-داعى ستۋدەنتتەر اراسىندا كوروناۆيرۋسقا قارسى ۆاكسينا الۋ اكسياسى اياسىندا 100 ستۋدەنتكە جاتاقحاناعا ورنالاسۋ ءۇشىن 50 پايىز جەڭىلدىك بەرىلدى.
وقىتۋشى-پروفەسسورلار قۇرامى مەن قوسالقى پەرسونالدارعا ءارتۇرلى دەڭگەيدەگى الەۋمەتتىك كومەك كورسەتىلىپ، قىزمەتكەرلەرگە ارنالعان جاتاقحانادان ورىن بەرىلدى.
ەكپە الۋشىلاردىڭ بارلىعىنا، ونىڭ ىشىندە 4001 ستۋدەنتكە يميدجدىك ونىمدەر، سپورتتىق كوستيۋمدەر، كىتاپتار تاراتىلدى. 40-قا جۋىق وقىتۋشى-قىزمەتكەرلەر مەن ستۋدەنتتەردەن قۇرالعان العاشقى توپ تەگىن جولداما الىپ، ىستىقكول جاعالاۋىنداعى سپورتتىق-ساۋىقتىرۋ لاگەرىنە بارىپ قايتتى.
ەكپە الۋشىلار ءۇش كۇن بويى سۋعا شومىلىپ، تازا اۋادا سەرۋەندەدى. جاستار ءتۇرلى ويىندار ۇيىمداستىرىپ، ءوز ونەرلەرىن ورتاعا سالدى. ءبىرى اۋەلەتە ءان شىرقاسا، ەندى ءبىرى جىر شۋماقتارىنان شاشۋ شاشتى. ال ۇستازدار قاۋىمى كوشباسشىلىق قاسيەتتەردى دامىتۋ، ۋاقىتتى ءتيىمدى پايدالانۋ تاقىرىپتارىندا سەمينار-ترەنينگتەر وتكىزىپ، تۇلعالىق دامۋداعى ءوز تاجىريبەلەرىمەن ءبولىستى.
قازۇۋ قىزمەتكەرى نۇربەك نۇرجان ۇلى: «تۇمسا تابيعات اياسىنداعى دەمالىس بارشامىزدى ءبىر سەرپىلتىپ تاستادى. قاربالاس تىرشىلىكتەن ءبىر ءسات سەرگىپ، تاماشا كوڭىل-كۇيگە بولەندىك. كەرەمەت دەمالىس ءۇشىن ۋنيۆەرسيتەتكە مىڭ العىس!» – دەگەن جۇرەكجاردى پىكىرىن ءبىلدىردى.
قازۇۋ-دا قىركۇيەك ايىندا 1-15 شىلدە ارالىعىندا ەكپە العان وقىتۋشىلار مەن ءبىلىم الۋشىلارعا ۋنيۆەرسيتەت اسحاناسىنا ءبىر ايعا تالون بەرىلىپ، قوسىمشا قوعامدىق كولىكتە ءجۇرۋ اقىسى تولەنەدى. سونداي-اق ءتىل ۇيرەنۋ كۋرستارىنا سەرتيفيكات تارتۋ ەتىلەدى. جاقىن كۇندەرى ەكىنشى توپ ىستىقكولگە دەمالىسقا اتتانادى.
