بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا جەتىسۋ اۋدانىنىڭ اكىمى گۇلنار كوكەبايەۆا مالىمدەدى. قازىرگى كەزدە 11 كوشەگە ورتاشا جوندەۋ جۇمىستارى جۇرگىزىلۋدە. جولداردىڭ جالپى ۇزىندىعى 18،3 شاقىرىمدى قۇرايدى. سونىمەن قاتار، اۋداندا تروتۋارلاردى رەتكە كەلتىرۋ جۇمىستارى جۇرگىزىلۋدە دەپ حابارلايدى almaty-akshamy.kz
گۇلنار كوكەبايەۆانىڭ ايتۋىنشا، اۋداننىڭ رىسقۇلوۆ پەن ءسۇيىنباي داڭعىلدارىندا جۇمىستار اياقتالىپ قالدى، تايمىرسكيي، موسكۆينا، چەرنوۆسكايا، گاليلەي جانە پەرۆومايسكايا مۇناي بازاسى كوشەلەرىندە جوندەۋ جۇمىستارى جۇرگىزىلۋدە. گەولوگوۆ، تالانت جانە جانسۇگىروۆ كوشەلەرىندە جۇمىس جۇرگىزىلۋدە، كۋدەرينا كوشەسىندە جۇمىس اياقتالدى.
«ءبىزدىڭ اۋدان تۇرعىندارىنىڭ ءوتىنىشى بويىنشا ەسەنوۆ، نۇسىپبەكوۆ، پاللادين كوشەلەرىندە جانە اينابۇلاق-2 شاعىناۋدانىندا ۇزىندىعى 1،4 شاقىرىم بولاتىن جاياۋ جۇرگىنشىلەر جولدارىن رەتكە كەلتىرۋ جۇمىستارى جۇرگىزىلدى»، - دەدى جەتىسۋ اۋدانىنىڭ اكىمى.
سونىمەن قاتار، اۋدان تۇرعىندارىنىڭ ءوتىنىشى بويىنشا بەلگىلەنگەن ۋچاسكەلەردەگى شۇڭقىرلار جوندەلۋدە. 3 تامىزداعى جاعداي بويىنشا، ورىندالعان جۇمىس كولەمى 26 700 شارشى مەتردى قۇرايدى.
جولدان باسقا، سۋ باسىپ قالۋى مۇمكىن ايماقتاردا ارىق جەلىلەرى رەتكە كەلتىرىلەدى. جالپى العاندا، ۇزىندىعى 4،2 كم بولاتىن 11 كوشەدە ارىق جەلىلەرى جوندەلەدى. اچينسكايا، زۋباريەۆ، جانگەلدين، گاليلەي، دىبەنكو، شەكسپير، ۆولوچايەۆسكايا، شەليحوۆ، پاۆلودارسكايا، قازىبايەۆ كوشەلەرىندە جانە اينابۇلاق-1 شاعىناۋدانىندا جۇمىستار جۇرۋدە. تامىزدىڭ سوڭىندا ارىقتار جەلىلەرىن جوندەۋدى اياقتاۋ جوسپارلانۋدا.