بيىل كومپانياعا 4 تەكسەرۋ جۇرگىزىلدى.
وسكەمەندەگى «قازسينك» ج ش س 2025 جىلعا دەيىن اۋاعا بولەتىن زياندىق قالدىقتار كولەمىن 20 پايىزعا قىسقارتادى. ب ا ق وكىلدەرىنىڭ قاتىسۋىمەن وتكەن بريفينگ بارىسىندا ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۇلفۇحار جولداسوۆ وسىلاي ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازسينك» – وسكەمەن قالاسىنداعى اۋاعا كوپ كولەمدە زياندى قالدىقتاردى بولەتىن كاسىپورىنداردىڭ ءبىرى. كاسىپورىننىڭ قالا اۋاسىنىڭ لاستاۋ ۇلەسى – 47،8 پايىز. بيىل كومپانياعا 4 تەكسەرۋ جۇرگىزىلدى. ونىڭ بارىسىندا ەميسسيالاردى قىسقارتۋ جونىندەگى تالاپتاردىڭ ساقتالماۋى، ەميسسيالار نورماتيۆتەرىنىڭ اسىپ كەتۋى انىقتالدى. انىقتالعان كەمشىلىكتەر بويىنشا جالپى سوماسى 37،5 ملن تەڭگەگە 35 ايىپپۇل سالىندى. ايىپپۇلدار تولىق كولەمدە ءوندىرىلدى»، - دەدى ول.
كوميتەت ءتوراعاسىنىڭ ايتۋىنشا، اتالعان سەرىكتەستىك زياندى قالدىقتار كولەمىن ازايتۋ ستراتەگياسىن ازىرلەگەن. ونداعى شارالاردى ورىنداۋ ءۇشىن 100 ملن دوللاردان استام قاراجات جۇمسالماق. ناتيجەسىندە 2025 جىلعا دەيىن زياندى شىعارىندىلاردىڭ مولشەرى 20 پايىزعا قىسقارادى.