قولجەتىمدى شيكىزات قالاي دا جەتكىلىكسىز.
پرەزيدەنت قاسىم-جومارت توقايەۆ «التىن ساپا» جانە «پارىز» سىيلىقتارىنىڭ يەگەرلەرىن ماراپاتتاۋ سالتاناتىندا سويلەگەن سوزىندە وتاندىق وڭدەۋشىلەردىڭ باسىنداعى ماڭىزدى پروبلەمانى اتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءۇشىنشى – قازاقستاندا شىنايى يندۋستريالاندىرۋعا قولايلى جاعداي تاباندى تۇردە جاسالىپ جاتىر. ونەركاسىپ ساياساتى تۋرالى ارنايى زاڭ قابىلداندى. ول جوعارى جانە ورتا بولىنىستەگى ونىمدەردى وندىرۋشىلەردى قولداۋ شارالارىنىڭ كەڭ پاكەتىن ۇسىنادى. الايدا ونىڭ كەيبىر زاڭناما نورمالارى ءالى دە كەشەۋىلدەپ جاتىر. قازاقستاندىق وندىرۋشىلەردىڭ وتاندىق شيكىزاتقا قول جەتكىزۋى مۇمكىن ەمەستىگى تۋرالى شاعىمدارى ءتۇسىپ جاتىر»، - دەدى مەملەكەت باسشىسى.
پرەزيدەنتتىڭ مالىمەتى بويىنشا، تاۋ-كەن مەتاللۋرگيا سالاسىنداعى ءىرى كاسىپورىندار كەزەكتى بولىنىستەگى ءونىم جاساۋدىڭ ورنىنا رەسۋرستاردى سىرتقا شىعارىپ اكەتۋدى ءجون كورەدى.
«قازاقستاندىق قايتا وڭدەۋ ونەركاسىبىنە قولجەتىمدى شيكىزات قالاي دا جەتكىلىكسىز. بۇل كابەل، اككۋمۋلياتور، اليۋمينيي بۇيىمدارى سياقتى باسقا دا جوعارى بولىنىستەگى تاۋارلارعا قاتىستى. ۇكىمەتكە ءار ءوتىنىشتى ءجىتى قاراپ، قاجەت دەگەن جۇيەلى شارالار قابىلداۋ كەرەك»، - دەدى قاسىم-جومارت توقايەۆ.
ايتا كەتەيىك، وسىناۋ سالتاناتتى شارا اياسىندا ۇزدىك دەپ تانىلعاندارعا «قازاقستاننىڭ ۇزدىك تاۋارى»، «Qazaqstan Project Management Awards -2022»، «تمد بويىنشا ساپا سالاسىنداعى 2021 جىلدىڭ سىيلىعى» سياقتى كاسىپكەرلىك باعىتتاعى ماراپاتتار دا تابىستالدى.
سونداي-اق، «ارۋانا»، «بيزنەس كەمەلدiلiك»، «ىسكەر»، «ۇلى دالا ەلى» سىيلىقتارىنىڭ جەڭىمپازدارى دا ماراپاتتالدى.
بيىل «التىن ساپا» سىيلىعىنا 281 ۇمىتكەر ءوتىنىم تاپسىرعان. ساراپشىلار سونىڭ ىشىنەن ءىرى، ورتا جانە شاعىن بيزنەس بويىنشا 14 بيزنەس نىسانىن 4 اتالىم نەگىزىندە ىرىكتەپ الدى.