«قازپوشتامەن» ەسىرتكى تاپسىرىس بەرگەن الماتىلىق ۇستالدى

اسا ءىرى كولەمدە ەسىرتكى كونترابانداسى بويىنشا سوتقا دەيىنگى تەرگەپ-تەكسەرۋدى قارجىلىق مونيتورينگ اگەنتتىگى جۇرگىزۋدە.

الماتى وبلىسى ىلە اۋدانىنداعى «كازپوشتا» اق بولىمىنە شەتەلدەن كوسمەتيكالىق بۇيىمدار تۇرىندە جاسىرىلعان سالماعى 777،4 گرامم ەسىرتكى ءونىمى كاننابيس ەكستراكتى (گاشيش مايى) سالىنعان جونەلتىلىم كەلىپ تۇسكەنى انىقتالدى، دەپ حابارلايدى Almaty-akshamy.kz El.kz-كە سىلتەمە جاساپ. 

جونەلتىلىمدى قابىلداۋشى ەسىرتكى ونىمدەرىنىڭ زاڭسىز اينالىمى ءۇشىن بۇرىن سوتتالعان ازامات بولىپ شىقتى.

ونىڭ تۇرعىلىقتى جەرى بويىنشا ءتىنتۋ بارىسىندا ەسىرتكىنى شەگۋگە ارنالعان قۇرىلعىلار، قولدانىلعان شپريستار، زيپ-پاكەتتەر جانە تاعى باسقا زاتتار تابىلدى.

اتالعان ازامات سوت شەشىمىمەن قاماۋعا الىندى، تەرگەۋ امالدارى جالعاسۋدا.

قپك-نىڭ 201 بابىنا سايكەس وزگە اقپارات جاريا ەتۋگە جاتپايدى.

ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قىلمىستىق-پروسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.