الماتىدا 1976 جىلدان بەرى پايدالانىلىپ كەلە جاتقان دۋنايەۆسكيي كوشەسىمەن وتەتىن 1،2 شاقىرىمنان استام قۇبىر اۋىستىرىلادى، دەپ حابارلايدى almaty-akshamy.kz «الماتى جىلۋ جەلىلەرى» جشس-نە سىلتەمە جاساپ
2024 جىلعى 11 ماۋسىمنان 15 قىركۇيەككە دەيىن الماتى قالاسىنىڭ بوستاندىق اۋدانىندا دۋنايەۆسكيي كوشەسىنىڭ سولتۇستىك جاعىمەن جاروكوۆ كوشەسىنەن باتىس باعىتتا كولىك قوزعالىسى جابىلادى.
قوزعالىس تەك باتىس باعىتتا جابىلادى.
1976 جىلدان باستاپ پايدالانۋعا بەرىلگەن، اتالعان كوشە سەگمەنتىنىڭ ءجۇرىس بولىگىنىڭ استىنان وتەتىن جالپى ۇزىندىعى 1240 مەتر قۇبىردى قايتا جاڭارتۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ۋاقىتشا شەكتەۋلەر ەنگىزىلەدى. بۇل قۇبىر 153 كوپپاتەرلى تۇرعىن ءۇيدى، 7 جەكە ءۇيدى، 5 بالاباقشانى، 4 مەكتەپتى، 2 دەنساۋلىق ساقتاۋ وبەكتىسىن جانە 15 وزگە دە وبەكتىلەردى جىلۋمەن جانە ىستىق سۋمەن قامتاماسىز ەتەدى. اتالعان تۇتىنۋشىلارعا رەكونسترۋكسيا جۇرگىزۋ كەزەڭىندە ىستىق سۋمەن جابدىقتاۋ ساقتالادى.
ۋاقىتشا قولايسىزدىقتارعا تۇسىنىستىكپەن قاراۋدى جانە كورسەتىلگەن ۋچاسكەنى اينالىپ ءوتۋ جولدارىن الدىن الا قاراستىرۋدى سۇرايمىز.