جوسپارلى تەحنيكالىق جۇمىستار جۇرگىزىلەدى.
«قازپوشتا» اق-نىڭ بارلىق قىزمەتى ءۇش كۇنگە توقتاتىلادى، دەپ حابارلايدى Almaty-akshamy.kz كومپانيانىڭ رەسمي سايتىنا سىلتەمە جاساپ.
«نۇر-سۇلتان ۋاقىتىمەن 2022 جىلدىڭ 28 تامىزىندا ساعات 00:00-دەن 2022 جىلدىڭ 31 تامىزى ساعات 08:00-گە دەيىنگى ارالىقتا «قازپوشتا» اق بولىمشەلەرىندە، پوستاماتتاردا، تەرمينالداردا، «كاسسا24» تەرمينالدارىندا، post.kz، postbank.kz سايتتارىندا پوشتالىق جانە قارجىلىق قىزمەتتەردىڭ بارلىق ءتۇرى جۇمىسىن توقتاتادى»، - دەلىنگەن رەسمي حابارلامادا.
كومپانيا ماماندارى جەكسەنبىگە دەيىن بارلىق وپەراسيانى الدىن الا جاساۋعا كەڭەس بەرىپ وتىر.
«بولىمشەلەرگە بارۋ، تەرمينالدار مەن ونلاين قىزمەتتەر ارقىلى وپەراسيالار جۇرگىزۋ، حاتتاردى، قۇجاتتار مەن سالەمدەمەلەردى قابىلداۋ/جىبەرۋ سەكىلدى «قازپوشتا» اق قىزمەتتەرىن الاتىن بولساڭىز، الدىن الا جوسپارلاڭىز. تۋىنداعان قولايسىزدىقتار ءۇشىن كەشىرىم سۇرايمىز»، - دەيدى ماماندار.