ارىستانبەك مۇحامەدي ۇلىنىڭ ءىسىن تەرگەۋدە جاڭا دەرەكتەر اشىلدى، دەپ حابارلايدى اlmaty-akshamy.kz.
سىبايلاس جەمقورلىققا قارسى ءىس-قيمىل اگەنتتىگى ۇلتتىق مۋزەي ديرەكتورى ارىستانبەك مۇحامەدي ۇلى مەن باسقا دا تۇلعالارعا قاتىستى تەرگەۋ امالدارى جالعاسۋدا. كۇدىكتىلەر بيۋدجەت قاراجاتىن اسا ءىرى مولشەردە جىمقىردى جانە لاۋازىمدىق وكىلەتتىكتەردى تەرىس پايدالاندى دەپ ايىپتالىپ جاتىر.
تەرگەۋ "التىن ادامنىڭ الەم مۇراجايلارى بويىنشا شەرۋى" حالىقارالىق كورمەسىن وتكىزۋگە، سونداي-اق "ۇلتتىق كيەلى نىساندارى مەن مۋزەي قورلارىن جالپى مەملەكەتتىك 3D-سكانەرلەۋ" جانە "ۇلتتىق سيفرلىق كينو-توپتامانى سيفرلاندىرۋ" جوبالارىنا بولىنگەن بيۋدجەت قاراجاتىن پايدالانۋ فاكتىلەرى بويىنشا جۇرگىزىلۋدە.
بۇدان باسقا ارىستانبەك مۇحامەدي ۇلىنىڭ مادەنيەت جانە سپورت ءمينيسترى لاۋازىمىندا بولعان كەزىندە تۋىستارىنىڭ جانە ۇلەستەس تۇلعالارىنىڭ مەنشىگىنە "سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى"، "قازاق ەنسيكلوپەدياسى" اكسيونەرلىك قوعامى جانە قازاق عىلىمي-زەرتتەۋ مادەنيەت ينستيتۋتىن زاڭسىز بەرۋگە قاتىستىلىعى تەكسەرىلىپ جاتىر. وسىعان بايلانىستى قاماۋدا ۇستاۋ مەرزىمى 26 قىركۇيەككە دەيىن ۇزارتىلدى.
مەملەكەتكە كەلتىرىلگەن زالالدىڭ الدىن الا سوماسى شامامەن 7 ملرد تەڭگە.
.