الەۋمەتتىك جەلىلەردە ق ر مادەنيەت جانە اقپارات ءمينيسترى ايدا بالايەۆانىڭ سۋرەتىمەن جالعان جارناما تاراتىلۋدا.
ماتىندە مەملەكەت باسشىسى قازاقستاندىقتارعا تولەمدەر تاعايىنداۋدى تاپسىرعانى ايتىلعان. Stopfake.kz سايتىندا بۇل اقپاراتتىڭ فەيك ەكەنى ايتىلعان، دەپ حابارلايدى Almaty-akshamy.kz.
جالعان جارنامانى تاراتۋشىلار كۇماندى سىلتەمە بويىنشا ءوتۋدى ۇسىنادى. قانداي سوما تاعايىندالعانىن ءبىلۋ ءۇشىن ادام جەكە تۇلعانىڭ بىرەگەي ءنومىرىن (جسن) ەنگىزۋگە ءتيىس. بەلگىسىز سايتتاردا جەكە دەرەكتەردى قالدىرماعان ءجون. الاياقتار ولاردى جەكە ماقساتتا پايدالانادى.
قازاقستان پرەزيدەنتى قاسىم-جومارت توقايەۆتىڭ رەسمي cايتىندا تولەمدەر تۋرالى اقپارات بولماعان جانە جوق.
ق ر مادەنيەت جانە اقپارات مينيسترلىگى دە بارلىق جاڭالىقتاردى رەسمي پورتالدا جاريالايدى. وندا دا تولەمدەر تۋرالى اقپارات جوق.
مۇنداي حابارلاماعا سەنبەگەن ءجون. بۇل الاياقتاردىڭ ءىسى. بۇعان دەيىن جەلىدە ق ر قارجى مينيسترلىگى مەن ۇلتتىق قوردىڭ اتىنان تولەنەتىن تولەمدەر تۋرالى وسىنداي فەيك اقپاراتتار تاراعان بولاتىن.