بۇل تۋرالى «مەملەكەتتىك تەحنيكالىق قىزمەت» اق حابارلادى.
بۇگىن قازنەتكە تاعى دا اۋقىمدى كيبەرشابۋىلدار جاسالعانى بەلگىلى بولدى، دەپ حابارلايدى Almaty-akshamy.kz
«مەملەكەتتىك تەحنيكالىق قىزمەت» اق وكىلدەرىنىڭ ايتۋىنشا، بۇل جاعداي قازاقستاننىڭ بارلىق وڭىرىندەگى ينتەرنەت بايلانىسىنىڭ جۇمىسىنا كەرى اسەر ەتەدى.
«قازىرگى ۋاقىتتا «متق» اق-نىڭ تەحنيكالىق ماماندارى قاۋىپتەردى زالالسىزداندىرۋ جۇمىسىمەن اينالىسىپ جاتىر»، دەدى مەكەمەنىڭ باسپا ءسوز قىزمەتى.
قازاقستاننىڭ ءتۇرلى وڭىرلەرىندە، سونىڭ ىشىندە استانا، الماتى، شىمكەنت قالالارىندا بىرنەشە كۇننەن بەرى ينتەرنەتتە اقاۋلار بايقالدى. قازنەتكە DDoS شابۋىلى العاش رەت 25 قىركۇيەكتە بەلگىلى بولدى. «مەملەكەتتىك تەحنيكالىق قىزمەت» اق كيبەرشابۋىلدار بايلانىس وپەراتورلارىنىڭ ماگيسترالدىق ارنالارىنا جۇكتەمەنىڭ ارتۋىنا اكەپ سوقتىراتىنىن ەسكەرتتى.
كەشە دە استانا، الماتى، شىمكەنت، تاراز، وسكەمەن، پاۆلودار وبلىستارىن قوسا العاندا، ءبىرقاتار قازاقستاندىقتار ينتەرنەت جەلىسىندەگى اقاۋلارعا شاعىمداندى.