ءىس-شارالاردىڭ باعدارلاماسى تۋرالى قوسىمشا حابارلانادى.
ەلىمىزدىڭ استاناسىندا 13-14 قازاندا ءۇش ءىرى حالىقارالىق فورۋم وتەدى، دەپ حابارلايدى Almaty-akshamy.kz ءسىم باسپا ءسوز قىزمەتىنە سىلتەمە جاساپ.
«قازاقستاننىڭ سىرتقى ىستەر مينيسترلىگى مىنا ءىس-شارالاردان اقپارات تاراتۋ ءۇشىن شەتەلدىك جۋرناليستەردى اككرەديتتەۋ باستالعانىن مالىمدەيدى: 13 قازان – ازياداعى سەنىم جانە ىنتىماقتاستىق شارالارى كەڭەسىنىڭ VI ءسامميتى؛ 14 قازان – تمد مەملەكەت باسشىلارى كەڭەسىنىڭ وتىرىسى؛ 14 قازان – «ورتالىق ازيا – رەسەي» ءسامميتى»، - دەلىنگەن ۆەدومستۆو حابارلاماسىندا.
قىركۇيەك ايىنىڭ باسىندا رف پرەزيدەنتىنىڭ حالىقارالىق ىستەر جونىندەگى كومەكشىسى يۋريي ۋشاكوۆ قازان ايىندا ۆلاديمير ءپۋتيننىڭ ازياداعى سەنىم جانە ىنتىماقتاستىق شارالارى كەڭەسى مەن تمد سامميتىنە قاتىسۋ ءۇشىن استاناعا ساپارى جوسپارلانعانىن مالىمدەگەن ەدى.