قازىرگى ۋاقىتتا الاياقتار قازاقستان ازاماتتارىن «قازمۇنايگاز» ۇلتتىق كومپانياسىنا قارجى سالۋعا شاقىرىپ، ارنايى سايت قۇرىپ، ۆيدەولار تاراتۋدا.
حالىقتى مۇناي مەن گاز ساتىپ، مول پايداعا كەنەلۋگە شاقىرۋدا، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل تۋرالى كومپانيانىڭ باسپا ءسوز قىزمەتى حابارلادى.
«قازمۇنايگاز» ۇلتتىق كومپانياسى قازاقستان ازاماتتارىنىڭ قارجىسىن ەشقانداي ينۆەستيسيالىق جوبالارعا تارتۋعا شاقىرمايتىنىن مالىمدەيدى! تاراتىلىپ جاتقان جالعان جارنامالىق حابارلاندىرۋعا سەنبەڭىزدەر! ساق بولىڭىزدار! قانداي دا ءبىر ارەكەت جاسار الدىندا اقپاراتتىڭ راستىعىن انىقتاپ الىڭىز. ەسكە سالامىز، «قازمۇنايگاز» ۇلتتىق كومپانياسى ءوز قىزمەتى تۋرالى بارلىق اقپاراتتى www.kmg.kz سايتىندا، سونداي-اق الەۋمەتتىك جەلىدەگى رەسمي پاراقشالارىندا عانا جاريالايدى»، - دەلىنگەن حابارلامادا.