ەلوردادا بيللي دجين كينگ كۋبوگى اياسىندا ءوتىپ جاتقان قازاقستان – گەرمانيا ماچىندا ەلەنا رىباكينا ەسەپتى 2:0-گە جەتكىزدى.
قازاقستاننىڭ ءبىرىنشى، الەمنىڭ 19-راكەتكاسى ە.رىباكينا دۇنيەجۇزىلىك رەيتينگتە 232-ورىندا تۇرعان لاۋرا زيگەمۋندپەن سىنعا ءتۇستى، دەپ حابارلايدى Almaty-akshamy.kz
ە.رىباكينا 22 جاستا بولسا، گەرمانيالىق تەننيسشى 34-تە. وسىعان دەيىن قارسىلاستار ءۇش مارتە كەزدەسىپ، سونىڭ ەكەۋىندە قازاقستاندىق تەننيسشى جەڭگەن ەدى.
بۇل جولى ە.رىباكينا ءبىرىنشى پارتيادا ل.زيگەمۋندقا بىردە-بىر گەيم بەرمەي، 22 مينۋتتا 6:0 ەسەبىمەن تىزە بۇكتىردى. ەكىنشى سەتتى گەرمانيالىق سپورتشى برەيكپەن باستاعانىمەن، ەلەنا تارازى باسىن سول بويدا تەڭەستىرىپ قانا قويماي، ەسەپتى 5:1-گە جەتكىزدى. سوسىن ماچقا دوپ بەرگەندە، قارقىنىن باسەڭدەتكەن جوق - 6:1.
وسىلايشا، ەسەپ – 2:0، قازاقستاننىڭ پايداسىندا. قازاقستان – گەرمانيا ماچى ەرتەڭ جالعاسادى. قازاقستاندىقتارعا قالعان كەزدەسۋلەردە ءبىر ۇپاي السا، جەتىپ جاتىر. ءوز تاريحىندا العاش رەت بيللي دجين كينگ كۋبوگىنىڭ فينالدىق كەزەڭىنە جولداما الادى.