كەشە كەشكىسىن "قازمەديا" ورتالىعىندا ءورت شىعىپ، ءبىرقاتار رەسپۋبليكالىق ارنالار حابار تاراتۋىن توقتاتتى.
24 ساعات حابار تاراتاتىن «حابار 24» ارناسى دا تىكەلەي ەفيردەگى جۇمىسىن ۇزۋگە ءماجبۇر بولعان. قالالىق ءورت ءسوندىرۋ قىزمەتى وتتىڭ شىققانى جونىندە اقپارات كەشكىسىن ساعات 20:41-دە كەلىپ تۇسكەنىن حابارلايدى.
شامامەن جارتى ساعاتتا ءورت تولىق ءسوندىرىلدى. زارداپ شەككەندەر جوق، دەپ حابارلايدى Almaty-akshamy.kz 24.kz-كە سىلتەمە جاساپ.
قىزمەتكەرلەر عيمارات سىرتىنداعى ءقاۋىپسىز جەرگە وزدەرى شىققان. وقيعاعا ىشتەگى اككۋمۋلياتور باتارەيالارىنىڭ قىزىپ، جانۋى سەبەپ بولعان. وسىعان بايلانىستى جۇمىس سيكلى اۆتوماتتاندىرىلعان ورتالىقتا جاڭالىقتار قىزمەتى جۇمىس ىستەي المادى. ءقازىر بارلىق باعدارلامالار تولىق ىسكە قوسىلدى.