ونىڭ كانديداتۋراسى ءماجىلىستىڭ جالپى وتىرىسىندا ۇسىنىلدى
بۇگىن ق ر پارلامەنتى ءماجىلىسىنىڭ جالپى وتىرىسىندا مۇحتار ەرمان ورتالىق سايلاۋ كوميسسياسىنىڭ مۇشەسى قىزمەتىنە تاعايىندالدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«كونستيتۋسيامىزدىڭ 57 جانە 58-باپتارىنا سايكەس، پالاتا ءتوراعاسىنىڭ ۇسىنۋىمەن پارلامەنتتىڭ ءار پالاتاسى ورتالىق سايلاۋ كوميسسياسىنىڭ 2 مۇشەسىن تاعايىندايدى. وسىعان بايلانىستى بۇل قىزمەتكە ارىپتەسىمىز مۇحتار ەرماننىڭ كانديداتۋراسىن ۇسىنىپ وتىرمىز»، - دەدى ءماجىلىستىڭ جالپى وتىرىسىندا پالاتا سپيكەرى ەرلان قوشانوۆ.
ەرمان مۇحتار تىلدابەك ۇلى 1963 جىلى وڭتۇستىك قازاقستان وبلىسىندا تۋعان. قازاق مەملەكەتتىك ۋنيۆەرسيتەتىن بىتىرگەن.
ق ر پارلامەنتى ماجىلىسىندەگى «نۇر وتان» پارتياسى فراكسياسى اپپاراتىنىڭ باسشىسى، التىنشى، جەتىنشى سايلانعان ق ر پارلامەنتى ءماجىلىسىنىڭ دەپۋتاتى بولدى.
«قۇرمەت» وردەنىمەن، «ەرەن ەڭبەگى ءۇشىن»، «قازاقستان رەسپۋبليكاسىنىڭ تاۋەلسىزدىگىنە 10 جىل»، «قازاقستان رەسپۋبليكاسىنىڭ تاۋەلسىزدىگىنە 20 جىل»، «10 جىل - استانا» مەدالدارىمەن ماراپاتتالعان.
ءماجىلىس دەپۋتاتى مۇحتار ەرماننىڭ وكىلەتتىگى مەرزىمىنەن بۇرىن توقتاتىلدى.