بالالاردى مەكتەپكە دەيىنگى تاربيەمەن جانە وقىتۋمەن قامتۋدى ارتتىرۋ ماقساتىندا مەملەكەت باسشىسىنىڭ تاپسىرماسى بويىنشا 2023-2027 جىلدارعا ارنالعان مەكتەپكە دەيىنگى ۇيىمداردى ىسكە قوسۋدىڭ قادامدىق جوسپارى ازىرلەنىپ، بەكىتىلدى.
بيىلدىڭ وزىندە بالاباقشالاردا 77 مىڭنان استام ورىن اشىلادى دەپ جوسپارلانۋدا، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
ق ر وقۋ-اعارتۋ مينيسترلىگى مەكتەپكە دەيىنگى ءبىلىم بەرۋ دەپارتامەنتى ديرەكتورىنىڭ ايتۋىنشا، 2024 جىلدىڭ ءۇش ايىندا 8849 ورىنعا ارنالعان 125 مەكتەپكە دەيىنگى ۇيىم اشىلدى.
«جاڭا ورىندار اشۋ - مەكتەپكە دەيىنگى ۇيىمداردى سالۋ، جۇمىس ىستەپ تۇرعاندارىن رەكونسترۋكسيالاۋ جانە كەڭەيتۋ، جالپى ءبىلىم بەرەتىن مەكتەپتەر جانىنداعى، تۇرعىن ءۇي كەشەندەرىنىڭ ءبىرىنشى قاباتتارىنداعى شاعىن ورتالىقتار جەلىسىن كەڭەيتۋ، جەكەمەنشىك مەكتەپكە دەيىنگى ۇيىمداردا مەملەكەتتىك ءبىلىم بەرۋ تاپسىرىسىن ورنالاستىرۋ ارقىلى كوزدەلۋدە. سوڭعى بەس جىلدا بالاباقشاعا جولداما الۋدىڭ كەزەكتىلىگى ەكى ەسەگە تومەندەتىلدى. بۇگىنگى تاڭدا 2-6 جاستاعى بالالاردى قامتۋ 91% قۇرايدى. بيىل بۇل كورسەتكىشتى 92،5%-عا جەتكىزۋدى جوسپارلاپ وتىرمىز»، - دەپ اتاپ ءوتتى مانار اداموۆا.
سونىمەن قاتار بالاباقشالاردا ورىنداردى ءبولۋ پروسەسىنىڭ اشىقتىعى ءۇشىن كەزەكتىلىكتى ەسەپكە الۋدىڭ ءبىرىڭعاي بازاسى قۇرىلدى. ءوتىنىشتى ەلەكتروندىق ۇكىمەت پورتالى، ەكىنشى دەڭگەيدەگى بانكتەردىڭ ءموبيلدى قوسىمشالارى جانە جەرگىلىكتى اتقارۋشى ورگانداردىڭ پلاتفورمالارى ارقىلى بەرۋ سياقتى بىرنەشە تاسىلدەرمەن جۇزەگە اسىرۋ مۇمكىندىكتەرى ىسكە قوسىلدى. ءقازىر جوبا ەلىمىزدىڭ ءتورت وڭىرىندە جۇرگىزىلۋدە.
جالپى ەلىمىزدە 11 472 مەكتەپكە دەيىنگى ۇيىم جۇمىس ىستەيدى، وندا 1 ميلليونعا جۋىق بالا قامتىلعان.