فلەيشمان اتىنداعى مەدالمەن ماراپاتتالدى.
سەلدىڭ الدىن الۋ ءۇشىن ەڭبەكتەنىپ كەلە جاتقان قازاقستاندىق ماماندار ارنايى مەدالمەن ماراپاتتالدى، دەپ حابارلايدى Almaty-akshamy.kz.
«تاجىريبەلى مامانداردىڭ ەڭبەگى، سەلتانۋشى عالىمداردىڭ جوعارى باعالاۋىمەن سەل سالاسىنداعى ەرەن ەڭبەگى ءۇشىن فلەيشمان اتىنداعى مەدالمەن ماراپاتتالدى»، - دەلىنگەن ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز قىزمەتىنىڭ حابارلاماسىندا.
مامانداردىڭ ايتۋىنشا، وسىدان بۇرىن "قازگيدرومەتتىڭ" عىلىمي-زەرتتەۋ ورتالىعىندا، سەل ءقاۋپى بار كەزەڭدە (مامىردان قىركۇيەككە دەيىن) كەڭەس بەرەتىن، ۇزاق مەرزىمدى بولجامدار، نوسەر جانە جاۋىن-شاشىن سالدارىنان پايدا بولاتىن سەل تۋرالى داۋىلدى ەسكەرتۋلەردى جاسايتىن، سەل پروسەستەرىن زەرتتەۋ جانە بولجاۋ باسقارماسى ۇيىمداستىرىلعان.
«سەلدىڭ جاڭا زەرتتەۋ باسقارماسىنىڭ نەگىزگى قۇرامى - وسى سالاداعى ەڭبەك سىڭىرگەن جانە تاجىريبەلى ماماندار. سولاردىڭ ءبىرى - تەحنيكا عىلىمدارىنىڭ دوكتورى روزا كايۋموۆنا يافيازوۆا، گەوگرافيا عىلىمدارىنىڭ دوكتورى، پروفەسسور بوريس سەرگەيەۆيچ ستەپانوۆ جانە گيدرولوگيالىق قىزمەت ارداگەرى، عىلىم كانديداتى ۆسيەۆولود ۆيكتوروۆيچ گولۋبسوۆ تا وسى سىيلىققا يە بولدى»،- دەلىنگەن حابارلامادا.
ەكولوگتار وسىنداي مامانداردان تۇراتىن باسقارما قۇرۋ، سەلدەردى بولجاۋ جونىندەگى جۇمىستى جوعارى كاسىبي دەڭگەيگە كوتەرەدى دەگەن سەنىمدە. ال بۇل ءوز كەزەگىندە حالىقتى سەل تۋرالى ەسكەرتۋگە بارىنشا ءدال مۇمكىندىك بەرەدى.