سمارتفونداردان باسقا Apple كومپانياسى قىمبات ەمەس iPad سەريالارى مەن iPad Pro-نىڭ جاڭا بۋىنىن تانىستىرادى.
بيىلعى كۇزدە Apple iPhone 14 سەريالى تەلەفون قۇرىلعىسىنان باسقا دا بىرنەشە ءونىم شىعارۋدى جوسپارلاپ وتىر، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
جۋرناليستەر Bloomberg باسىلىمىنىڭ شولۋشىسى جانە ينسايدەر مارك گۋرمانعا سىلتەمە جاسايدى. ماماننىڭ اشىق ايتىلعان اقپاراتىنا سايكەس، تيم كۋكتىڭ كومپانياسى كوپتەگەن جاڭا قۇرىلعىلاردى شىعارۋدى جىل سوڭىنا دەيىن ادەيى كەيىنگە قالدىرىپ وتىر.
«Apple وسى كۇزدە ءوز تاريحىنداعى جاڭا اپپاراتتىق ونىمدەردىڭ ەڭ كەڭ اۋقىمىن دايىنداپ جاتقانىن ايتتى ماعان»، - دەدى گۋرمان.
مامان iPhone 14 سەرياسىنىڭ فلاگماندىقتارى كۇزدىڭ نەگىزگى شىعارىلىمى بولاتىنىن ايتتى. سمارتفونداردان باسقا Apple كومپانياسى قىمبات ەمەس iPad سەريالارى مەن iPad Pro-نىڭ جاڭا بۋىنىن تانىستىرادى.
كورپوراسيا سونىمەن قاتار Apple Watch سمارت ساعاتتارىنىڭ كەلەسى بۋىنىن دايىنداۋدا. مارك گۋرمان جىل سوڭىنا دەيىن كومپانيا جاڭارتىلعان MacBook Air، MacBook Pro نوۋتبۋگىنىڭ ارزان نۇسقاسى جانە AirPods Pro قۇلاققاپتارىنىڭ ەكىنشى بۋىنىن جاريالايتىنىن ءبىلدى. Apple سونىمەن قاتار M-سەريالى پروسەسسورلارداعى جاڭا ستاسيونارلىق كومپيۋتەرلەرىن – iMac جانە Mac Pro كورسەتەدى.
IT الپاۋىتىنىڭ 2022 جىلعى العاشقى وقيعاسى ناۋرىز نەمەسە ءساۋىر ايلارىندا وتەتىن تۇساۋكەسەرى بولادى. كوكتەمگى تانىستىرىلىم جاڭا iPhone SE، جاڭارتىلعان iPad Air جانە iMac نەمەسە Mac mini تۋرالى بولادى.
مارك گۋرمان ايتقان Apple 2022 جىلى شىعارۋى ءتيىس گادجەتتەردىڭ تىزىمىندە سمارت كوزىلدىرىكتەر دە بار.