جول بويىنداعى ينفراقۇرىلىم مەن قىزمەت كورسەتۋ سالاسى دا دامىماق
ۇكىمەت «قازاۆتوجول» ۇلتتىق كومپانياسى» اق-تىڭ 2023-2032 جىلدارعا ارنالعان دامۋ جوسپارىن بەكىتتى. ق ر پرەمەر-مينيسترى ءاليحان سمايىلوۆ ءتيىستى قاۋلىعا قول قويدى، دەپ حابارلايدى Almaty-akshamy.kz.
ۇكىمەتتىڭ باسپا ءسوز قىزمەتىنىڭ حابارلاۋىنشا، الداعى 10 جىلدا كۇرە جولداردى سالۋ جانە كۇتىپ ۇستاۋ ساپاسىن ارتتىرۋ جونىندە شارالار قابىلداۋ جوسپارلانىپ وتىر. ولاردىڭ قاتارىندا جول جوبالارىنىڭ بارلىعىنا FIDIC حالىقارالىق ستاندارتتارىن ەنگىزۋ، تەحنيكالىق قۇجاتتامانى كەلىسۋ پروسەسىن جەتىلدىرۋ، جوبالاۋ جانە مەردىگەرلىك ۇيىمداردىڭ جاۋاپكەرشىلىگىن ارتتىرۋ، اۆتوماتتاندىرىلعان باقىلاۋ جۇيەلەرىن ءبىرىڭعاي IT-جۇيەگە ينتەگراسيالاۋ، قاجەتتى جول-پايدالانۋ تەحنيكاسى مەن جابدىقتارىن ساتىپ الۋ جانە ت. ب. بار.
ناتيجەسىندە جاقسى جانە قاناعاتتانارلىق جاعدايداعى رەسپۋبليكالىق ماڭىزى بار اۆتوجولداردىڭ ۇلەسىن 100%-عا دەيىن جەتكىزۋ، سونداي-اق جەرگىلىكتى جولداردىڭ جاعدايىن جاقسارتۋ ءۇشىن وڭىرلەردى ءتيىستى جۇمىسپەن تولىق قامتۋدى جۇزەگە اسىرۋ جوسپارلانۋدا.
شىعارىندىلاردى ازايتۋ جانە ەكولوگياعا زيانى جوق كولىكتى پايدالانۋدى ىنتالاندىرۋ ماقساتىندا ەلەكترموبيلدەردى قۋاتتاۋ ستانسيالارىنىڭ جۇيەسى داميدى.
سونىمەن قاتار ۇزدىك حالىقارالىق ستاندارتتارعا جاۋاپ بەرەتىن جانە جوعارى جىلدامدىقپەن جۇرۋگە رۇقسات ەتىلگەن جاڭا اقىلى ۋچاسكەلەردى ەنگىزۋ جالعاسادى. بۇل رەتتە كولىك قوزعالىسى نەعۇرلىم كوپ باعىتتارعا باسىمدىق بەرىلەتىن بولادى. سونىمەگ قاتار بۇل، اتاپ ايتقاندا، قىتايدان جانە ورتالىق ازيا ەلدەرىنەن ەۋروپاعا جۇكتەردى تاسىمالداۋ بويىنشا قازاقستاننىڭ ترانزيتتىك مۇمكىندىكتەرىن كەڭەيتۋگە مۇمكىندىك بەرەدى.
جول بويىنداعى ينفراقۇرىلىم مەن قىزمەت كورسەتۋ سالاسى دا دامىماق. بۇل باعىتتا بيزنەس جۇرگىزۋ ءۇشىن قولايلى جاعداي جاساۋ، ينۆەستورلاردى تارتۋ، قىزمەت كورسەتۋ جانە جاڭا وبەكتىلەر (دەمالۋعا ارنالعان الاڭدار، مودۋلدىك ۇلگىدەگى اباتتاندىرىلعان سانيتارلىق-گيگيەنالىق توراپتار جانە ت.ب.) سالۋ كەزىندە حالىقارالىق ستاندارتتاردى ەنگىزۋ جونىندە شارالار قابىلداناتىن بولادى.
كاراۆانينگ جانە TIR-پاركينگ الاڭدارىن ورناتۋعا، سونداي-اق ينكليۋزيۆتىلىك، ەرەكشە قاجەتتىلىكتەرى بار ادامداردىڭ سۇرانىستارىن قاناعاتتاندىرۋ، انا مەن بالانى قورعاۋ ماسەلەلەرىنە ەرەكشە نازار اۋدارۋ جوسپارلانىپ وتىر.
«مەملەكەت باسشىسىنىڭ تاپسىرماسىنا سايكەس «قازاۆتوجول» ۇك» اق مەن «قازاقاۆتوجول» ج ش س بىرلەستىگى بويىنشا جۇمىس جالعاسادى، ناتيجەسىندە رەسپۋبليكالىق ماڭىزى بار اۆتوموبيل جولدارىن باسقارۋ جونىندەگى ءبىرىڭعاي اۆتوجول كومپانياسى قۇرىلاتىن بولادى»، - دەلىنگەن حابارلامادا.