تاراپتار ازاماتتىق اۆياسيا سالاسىنداعى تىعىز ىنتىماقتاستىقتى جالعاستىرۋعا كەلىستى.
ءباا مەن قازاقستان اراسىنداعى «اشىق اسپان» رەجيمىن 2027 جىلدىڭ سوڭىنا دەيىن ۇزارتۋ تۋرالى ۋاعدالاستىققا قول جەتكىزىلدى، دەپ حابارلايدى Almaty-akshamy.kz ازاماتتىق اۆياسيا كوميتەتىنىڭ باسپا ءسوز قىزمەتىنە سىلتەمە جاساپ.
قازاقستان رەسپۋبليكاسى پرەزيدەنتىنىڭ بىرىككەن اراب امىرلىكتەرىنە رەسمي ءىسساپارى بارىسىندا 2023 جىلعى 17 قاڭتاردا ق ر يندۋستريا جانە ينفراقۇرىلىمدىق دامۋ ءمينيسترى م. قارابايەۆ پەن ەكونوميكا ءمينيسترى - ءباا ازاماتتىق اۆياسيا باس باسقارماسىنىڭ ءتوراعاسى قر-دا ۇشۋلاردى ورىنداۋ كەزىندە «اشىق اسپان» رەجيمىن 2027 جىلدىڭ سوڭىنا دەيىن ۇزارتۋ تۋرالى ۋاعدالاستىققا قول جەتكىزدى.
سونداي-اق، قول جەتكىزىلگەن ۋاعدالاستىقتار شەڭبەرىندە ءباا تاراپىنان جاڭا اۋە تاسىمالداۋشىلارى تاعايىندالدى (Wizz Air Abu Dhabi، Air Arabia Abu Dhabi).
جالپى، تاراپتار ازاماتتىق اۆياسيا سالاسىنداعى تىعىز ىنتىماقتاستىقتى جالعاستىرۋعا كەلىستى.
اۋە تاسىمالى سالاسىنداعى قۇقىقتاردى كەڭەيتۋ ق ر مەن ءباا اراسىنداعى ساۋدا - ەكونوميكالىق، ىسكەرلىك جانە تۋريستىك ىنتىماقتاستىقتى ودان ءارى دامىتۋعا ىقپال ەتەتىنىن اتاپ ءوتۋ ماڭىزدى.