پروكۋراتۋرا جولدىڭ اقىلى ۋچاسكەسىندە كاسىپكەرلەردەن سوما الۋدى توقتاتتى، دەپ حابارلايدى اlmaty-akshamy.kz.
اتاپ ايتقاندا، "قازاۆتوجول" ۇك" اق فيليالى "استانا-پەتروپاۆل" اۆتوجولىنىڭ قيىلىسىندا اۋىر جۇك كولىكتەرىنىڭ يەلەرىنە جول ءجۇرۋ سوماسىن نەگىزسىز ەسەپتەگەن. اقىلى ۋچاسكە كوكشەتاۋ قالاسى ارقىلى وتەتىن جالپىعا ورتاق پايدالانىلاتىن اۆتوموبيل جولىنىڭ 304 شاقىرىمىنان باستالادى، الايدا ءبىرىنشى باقىلاۋ اركاسى 309 شاقىرىمدا ورنالاسقان.
پايدالانۋشىعا اقىلى اۆتوموبيل جولىنا كىرگەن كەزدە جانە باقىلاۋ اركاسى ارقىلى ءوتۋ كەزىندە جول وپەراتورىنىڭ جاريا شارتىنىڭ تالاپتارى قولدانىلاتىنىن اتاپ وتكەن ءجون.
مۇنداي جاعدايلاردا كاسىپكەرلىك سۋبەكتىسى ءۇشىن 5 كم جول ءجۇرۋدىڭ قۇنى 50 كم-گە تەڭ بولدى. پروكۋراتۋرانىڭ ارالاسۋىمەن اۆتوجولدىڭ كورسەتىلگەن ۋچاسكەسىندە شامامەن 3،5 ملن تەڭگە سوماعا 605 بيزنەس سۋبەكتىسىنە جول ءجۇرۋ ءۇشىن ەسەپتەلگەن سوما جويىلدى، ال زاڭدىلىقتى بۇزۋدى جويۋ ماقساتىندا جول ولشەۋ جۇيەسىنىڭ جۇمىسى قايتا قارالىپ جاتىر، - دەلىنگەن حابارلامادا.
سونىمەن قاتار، پروكۋراتۋرا ەلدى مەكەندەردىڭ تۇرعىندارى ءۇشىن «ابونەنتتىك تولەم» ەنگىزۋ ماسەلەسىنە باستاماشىلىق جاسادى، ول ءپروفيلدى مينيسترلىكتە قولداۋ تاۋىپ كەلىسۋ ساتىسىندا.