الماتىدا كولىكتەردى تۇراققا قويۋ ەرەجەلەرىن بۇزۋدىڭ 40-تان استام دەرەگى انىقتالدى، – دەپ حابارلايدى اlmaty-akshamy.kz.
جەرگىلىكتى رەيدتەر ءىرى شاھاردا جول قاۋىپسىزدىگىن قامتاماسىز ەتۋ، سونداي-اق قۇقىق بۇزۋشىلىقتار ءۇشىن جازانىڭ بۇلتارتپاستىعى قاعيداسىن جۇزەگە اسىرۋ ماقساتىندا جۇرگىزىلەدى.
– جەرگىلىكتى ءىس-شارا كولىك قۇرالدارىن تۇراققا قويۋ ەرەجەلەرىن بۇزۋ دەرەكتەرىن انىقتاۋعا باعىتتالعان. الماتى سياقتى ءىرى قالا ءۇشىن بۇل وتە وزەكتى ماسەلە. بۇگىندە الماتىدا 550 مىڭنان استام كولىك رەسمي تىركەلگەن. سونىمەن قاتار شاھار جولدارىندا كۇنىنە 300 مىڭعا جۋىق ترانزيتتىك كولىك جۇرەدى. سوندىقتان ءاربىر جول قوزعالىسىنا قاتىسۋشىنىڭ جەكە جاۋاپكەرشىلىگىن سەزىنىپ، جول قوزعالىسى ەرەجەلەرىن قاتاڭ ساقتاۋى وتە ماڭىزدى. پاترۋلدىك پوليسيا ەكيپاجدارى اۋىر قۇقىق بۇزۋشىلىقتاردى سونىڭ ىشىندە كولىكتى تۇراققا قويۋ ەرەجەلەرىن انىقتاۋعا جانە جولىن كەسۋگە باعىتتالعان. ساۋدا ۇيلەرى، بازارلار، وقۋ ورىندارىنىڭ ايماعى، مەشىتتەر جانە جۇرگىزۋشىلەر كولىكتەرىن بەلگىلەنبەگەن جەرگە ءجيى كوياتىن باسقا دا ورىندار ەرەكشە نازاردا، – دەدى الماتى قالاسى پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆ.
ايتپاقشى، ءبىر عانا رەيدتە ءتارتىپ ساقشىلارى كولىكتەردى تۇراققا قويۋ ەرەجەلەرىن بۇزۋدىڭ 40-تان استام دەرەگىن انىقتادى. قۇقىق بۇزۋشىلارعا قازاقستان رەسپۋبليكاسىنىڭ زاڭناماسىنا سايكەس شارالار قولدانىلدى. پوليسيا قىزمەتكەرلەرى بۇل ءىس-شارا جۇرگىزۋشى ءتارتىبى مەن كولىك جۇرگىزۋ مادەنيەتىن ارتتىرۋعا وڭ اسەرىن تيگىزەتىنىنە سەنىمدى.