انتيكور «قازاۆتوجولدىڭ» بارلىق جول-پايدالانۋ ۋچاسكەلەرىن تەكسەرىپ جاتىر.
مەملەكەت باسشىسىنىڭ «قازاۆتوجول» «ۇك» اق مەن «كازاحاۆتودور «ج ش س ءبىرىڭعاي جول كومپانياسىنا بىرىكتىرۋ جۇمىستارى اياسىندا «قازاۆتوجول» «ۇك» اق ىشكى اۋديت قىزمەتى سىبايلاس جەمقورلىققا قارسى كومپلاەنس-قىزمەتىمەن بىرلەسىپ، بارلىق جول-پايدالانۋ ۋچاسكەلەرى مەن پۋنكتتەرىنىڭ قىزمەتىن تەكسەرۋدە، دەپ حابارلايدى اlmaty-akshamy.kz.
ىشكى تەكسەرىس بارىسىندا ءبىرقاتار جپۋ باسشىلارىنىڭ جۇمىسىندا بۇزۋشىلىقتار انىقتالدى. تەكسەرىس تولىق اياقتالىپ، انىقتالعان فاكتىلەر راستالعان جاعدايدا، جپۋ باسشىلارىنا قازاقستان رەسپۋبليكاسىنىڭ ەڭبەك زاڭناماسىنا سايكەس شارا قابىلدانادى. انىقتالعان فاكتىلەر بويىنشا قۇزىرەتتى ورگاندار دا قوسىمشا حاباردار ەتىلەدى.
ىشكى تەكسەرىس تومەندەگى تارماقتاردى قامتيدى:
وندىرىستىك قۇجاتتامانى راسىمدەۋ؛
جانار-جاعار مايدى ەسەپتەن شىعارۋ؛
جول پاراقتارىن راسىمدەۋ؛
جپۋ باسشىلارىنىڭ قىزمەتكەرلەردىڭ ەڭبەك پەن ورىنداۋشىلىق ءتارتىبىن قاداعالاۋى؛
كۇندەلىكتى جۇمىسقا ەش قاتىسى جوق مامانداردى تىركەۋ فاكتىلەرى جانە ت.ب.
بارلىق جول-پايدالانۋ ۋچاسكەلەرىنىڭ قىزمەتكەرلەرى جۇمىس ورىندارىندا، كۇرە جولداردى كۇتىپ-ۇستاۋ جۇمىستارى قالىپتى رەجيمدە جۇزەگە اسىپ جاتىر.
سونىمەن قاتار بىلتىردان باستاپ سىبايلاس جەمقورلىق تاۋەكەلدەرىن تولىعىمەن جويۋ ءۇشىن «قازاۆتوجول» «ۇك» اق جۇمىس پروسەستەرىن تولىق سيفرلاندىرۋدى قولعا العانىن ايتا كەتكەن ءجون.