بۇۇ-نىڭ العاشقى بىتىمگەرشىلىك ميسسياسى قۇرىلعانىنا 75 جىل تولدى.
قازاقستان سىرتقى ىستەر مينيسترلىگىندە بۇۇ-نىڭ العاشقى بىتىمگەرشىلىك ميسسياسى قۇرىلعانىنا 75 جىل تولۋ قارساڭىندا ق ر قورعانىس مينيسترلىگى، بۇۇ-نىڭ قر-داعى وكىلدىگى جانە شەتەلدىك ديپلوماتيالىق كورپۋس وكىلدەرىنىڭ قاتىسۋىمەن ءىس-شارا ءوتتى. بۇل تۋرالى اlmaty-akshamy.kz ق ر ءسىم باسپا ءسوز قىزمەتىنە سىلتەمە جاساپ حابارلايدى.
ءىس-شارانى اشقان ق ر سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆ قازاقستان رەسپۋبليكاسىنىڭ بۇۇ-نىڭ بىتىمگەرشىلىك ميسسيالارى شەڭبەرىندە وڭىرلىك جانە حالىقارالىق قاۋىپسىزدىكتى قامتاماسىز ەتۋدەگى بۇۇ-نىڭ كۇش-جىگەرىن قولداۋى، ەلىمىزدىڭ سىرتقى ساياساتىنىڭ ماڭىزدى قۇرامداس بولىگى بولىپ تابىلاتىنىن اتاپ ءوتتى. ديپلومات قولداۋ كورسەتكەنى ءۇشىن سەرىكتەستەرگە العىس ءبىلدىرىپ، قازاقستان بۇۇ اياسىندا بىتىمگەرشىلىك قىزمەتىن ودان ءارى ارتتىرۋعا نيەتتى ەكەنىن مالىمدەدى.
بۇۇ-نىڭ قازاقستان رەسپۋبليكاسىنداعى تۇراقتى ۇيلەستىرۋشىسى ميكاەلا فريبەرگ-ستوري قازاقستاننىڭ بۇۇ قىزمەتىنە بەلسەندى قاتىسۋىن جوعارى باعالاي وتىرىپ، استانا تىعىز ىنتىماقتاستىق جىلدارىندا بىتىمگەرشىلىك جولىندا ءوزىنىڭ تيىمدىگىن دالەلدەگەنىن جانە قازاقستاندىق اسكەري قىزمەتكەرلەردىڭ جوعارى كاسىبيلىگىن كورسەتكەنىن جوعارى اتاپ ءوتتى. ول وسىنداي ميسسيالاردا جەكە تاجىريبەسى بولا وتىرىپ، الماتىدا جۇمىس ىستەيتىن «كازسەنت» بىتىمگەرشىلىك وقۋ-جاتتىعۋ ورتالىعى اياسىندا بىتىمگەرشىلىك الەۋەتتى ارتتىرۋ ءۇشىن ەلىمىزدە جاسالعان جاعدايلارعا ەرەكشە نازار اۋداردى.
ق ر قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى پولكوۆنيك ولجاس حۋسايىنوۆ، سونداي-اق ميسسيالارعا قاتىسقان قازاقستاندىق بىتىمگەرشىلەر، قازاقستان رەسپۋبليكاسى قارۋلى كۇشتەرىنىڭ بۇۇ-نىڭ بىتىمگەرشىلىك قىزمەتىنە قوسقان ۇلەسى تۋرالى مازمۇندى اقپاراتپەن ءبولىستى.
قازاقستاننىڭ وڭ تاجىريبەسىن اتاپ وتكەن شەتەلدىك ديپلوماتيالىق كورپۋستىڭ وكىلدەرى قازاقستاندىق اسكەريلەرگە العىستارىن ءبىلدىرىپ، قولداۋ كورسەتتى. وتاندىق «كوگىلدىر كاسكالارعا» بۇۇ-نىڭ ليۆانداعى ميسسياسى اياسىنداعى ارەكەتتەرى ءۇشىن جوعارى باعا بەردى. وسىلايشا، ءۇندىستان رەسپۋبليكاسىنىڭ اسكەري اتتاشەسى سول ەلدىڭ بريگاداسىندا قىزمەت ەتەتىن قازاقستاندىق بىتىمگەرشىلەرمەن ءوزارا ءىس-قيمىل تاجىريبەسىنىڭ ساتتىلىگىن اتاپ ءوتتى. بۇل تاجىريبەنى ءقازىر باسقا ەلدەر دە زەرتتەپ جاتىر.
شاراعا قاتىسۋشىلار بۇۇ تۋى استىندا قىزمەتتە جان تاپسىرعان بىتىمگەرشىلەردى ءبىر مينۋت ۇنسىزدىكپەن ەسكە الدى.
