29 مامىردا حقو جۇمىسىن ادەتتەگى رەجيممەن جاڭا مەكەنجايدا جالعاستىرادى.
27 مامىردا الماتىداعى №2 مامانداندىرىلعان حالىققا قىزمەت كورسەتۋ ورتالىعى جاڭا مەكەنجايعا كوشتى، دەپ حابارلايدى اlmaty-akshamy.kz.
ەندى ازاماتتارعا جايلى بولۋ ءۇشىن جانە ساپالى قىزمەت كورسەتۋ ءۇشىن ول مايلين كوشەسى، 240 ا مەكەنجايىنداعى «Allur اۆتو» عيماراتىندا ورنالاسادى. بۇعان دەيىن مامانداندىرىلعان حقو مايلين كوشەسى، 85 مەكەنجايىندا بولاتىن.
«دۇيسەنبى، 29 مامىردا، مامانداندىرىلعان حقو جۇمىسىن ادەتتەگى رەجيممەن جاڭا مەكەنجايدا جالعاستىرادى»، - دەپ حابارلادى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ الماتى بولىمشەسىنىڭ باسپا ءسوز قىزمەتى.
الماتى تۇرعىندارى 4 مەكەنجايداعى مامانداندىرىلعان حقكو-نا مەملەكەتتىك قىزمەتتەردى الۋ ءۇشىن بارا الادى:
"سايالى" ىقشاماۋدانى، اققاينار، 1 كوشەسىندەگى №1 مامانداندىرىلعان حقكو؛
مايلين كوشەسى، 240 ا مەكەنجايىنداعى № 2 مامانداندىرىلعان حقكو؛
تۇركسىب اۋدانى، "قايرات" ىقشاماۋدانى، قۇلجا تاس جولىنىڭ 9-شاقىرىمى مەكەنجايىنداعى №5 مامانداندىرىلعان حقكو؛
"كەمەل" ىقشاماۋدانى، اقسۋات كوشەسى، 118 مەكەنجايىنداعى №6 مامانداندىرىلعان حقكو.
مامانداندىرىلعان حالىققا قىزمەت كورسەتۋ ورتالىقتارى دۇيسەنبىدەن جۇماعا دەيىن ساعات 09:00-دەن 18:00-گە دەيىن تۇسكى ءۇزىلىسسىز جۇمىس ىستەيدى. اۆتوكولىكتەردى زاڭداستىرۋعا بايلانىستى سەنبى كۇنى 09:00-دەن 13:00-گە دەيىن قىزمەت كورسەتەدى.
مەكەمە قىزمەتكەرلەرى قىزمەتتەردى ۇيدەن شىقپاي-اق ونلاين الۋعا بولاتىنىن ەسكە سالدى. سۇراقتار تۋىنداعان جاعدايدا 1414 ءبىرىڭعاي بايلانىس ورتالىعىنا حابارلاسۋعا، @kenes1414Bot Telegram-بوتىنا جۇگىنۋگە جانە الەۋمەتتىك جەلىلەر ارقىلى اقپارات الۋعا بولادى.