جۇمىس توبى قۇرىلادى
مەملەكەت باسشىسى قاسىم-جومارت توقايەۆ پرەزيدەنتتىڭ ءىس باسقارماسىنا جەتى قازىنانىڭ ءبىرى – قازاقى تازى مەن توبەت تۇقىمدارىن ساقتاۋ جۇمىسىن قولعا الۋدى تاپسىردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
وسىعان وراي قازاقستان رەسپۋبليكاسى پرەزيدەنتىنىڭ ءىس باسقارۋشىسى ايبەك دادەبايەۆ بۇل جۇمىسقا تارتىلعان جانە مۇددەلى تاراپتاردىڭقاتىسۋىمەن جيىن وتكىزدى.
باسقوسۋدا ءقازىر تازى مەن توبەت تۇقىمىنىڭ تازالىعىن ساقتاۋ ءىسى سىن كوتەرمەيتىنى ايتىلدى. جۇمىس جۇيەلى جۇرگىزىلمەگەن.
جيىن قورىتىندىسى بويىنشا پرەمەر-مينيستر كەڭسەسىنىڭ، ەكولوگيا، گەولوگيا جانە تابيعي رەسۋرستار مينيسترلىگىنىڭ، اۋىل شارۋاشىلىعى مينيسترلىگىنىڭ، عىلىم جانە جوعارى ءبىلىم مينيسترلىگىنىڭ، پرەزيدەنتتىڭ ءىس باسقارماسى جانىنداعى پارلامەنتاريزم ينستيتۋتىنىڭ، سونداي-اق «قانسونار» رەسپۋبليكالىق قاۋىمداستىعىنىڭ وكىلدەرىنەن جاساقتالعان جۇمىس توبىن قۇرۋ تۋرالى شەشىم قابىلداندى.
جۇمىس توبى قازاقستاننىڭ بارلىق ايماقتارىندا تازا قاندى تازى مەن توبەتتىڭ گەنوفوندىن عىلىمي زەرتتەۋدى نىسانالىقارجىلاندىرۋ مۇمكىندىكتەرىن تاۋىپ، مەملەكەتتىك قولداۋ تۇرلەرىن قاراستىرۋعا ءتيىس.
سونداي-اق ساقتاۋ جانە قالپىنا كەلتىرۋ بويىنشا زاڭنامالىق نورمالار پاكەتىن ازىرلەۋى كەرەك.
حالىقارالىق كينولوگيالىق ورتالىقتا (FCI) تازى مەن توبەتتىڭ شىققان ەلى رەتىندە قازاقستاندى كورسەتۋ دە ماسەلە بولىپ وتىر.
پرەزيدەنت نۇسقاۋى بويىنشا بۇل جۇمىسقا – ق ر سىرتقى ىستەر مينيسترلىگى، ال جەتى قازىنانىڭ ءبىرى سانالاتىن ۇلتتىق بايلىعىمىزدى ءتۇرلى شارالار ارقىلى ناسيحاتتاۋعا – ق ر مادەنيەت جانە سپورت مينيسترلىگى قولداۋ كورسەتۋگە ءتيىس.