اۋكسيون 21 جەر قويناۋى ۋچاسكەسى بويىنشا وتكىزىلگەن
2022 جىلعى 31 تامىزدا كومىرسۋتەكتەر بويىنشا جەر قويناۋىن پايدالانۋ قۇقىعىن بەرۋ جونىندەگى كەزەكتى ەلەكتروندىق اۋكسيون قورىتىندىلارى شىقتى، اۋكسيون 2022 جىلعى 22 شىلدەدە وتكىزىلگەن بولاتىن، دەپ حابارلايدى Almaty-akshamy.kz ق ر ەنەرگەتيكا مينيسترلىگىنىڭ باسپا ءسوز قىزمەتىنە سىلتەمە جاساپ.
زاڭناماعا سايكەس جەڭىمپازدار تۇپكىلىكتى قول قويۋ بونۋسىن تولەگەننەن كەيىن ەلەكتروندىق اۋكسيون قورىتىندىلارى شىعارىلادى.
ەستەرىڭىزگە سالا كەتەيىك، اۋكسيون 21 جەر قويناۋى ۋچاسكەسى بويىنشا وتكىزىلگەن بولاتىن، 18 جەر قويناۋى ۋچاسكەسى بويىنشا جەڭىمپازدار انىقتالدى، ال زاڭنامادا بەلگىلەنگەن مەرزىمدە قول قويۋ بونۋسى تولەنبەگەن 3 جەر قويناۋى ۋچاسكەسى كەلەسى اۋكسيونعا قايتا شىعارىلادى («جەر قويناۋى جانە جەر قويناۋىن پايدالانۋ تۋرالى» ق ر كودەكسىنىڭ 100-بابىنىڭ 5-تارماعى).
18 جەر قويناۋى ۋچاسكەسى بويىنشا باستاپقى قول قويۋ بونۋسىنىڭ سوماسى 1،7 ملرد تەڭگەنى قۇرادى.
«اۋكسيون قورىتىندىلارى بويىنشا ەل بيۋدجەتىنە تولەنگەن قول قويۋ بونۋسىنىڭ جالپى سوماسى 11،9 ملرد.تەڭگەنى قۇرادى، بۇل بۇرىن وتكىزىلگەن بارلىق ەلەكتروندىق اۋكسيونداردىڭ قورىتىندىلارى بويىنشا ەڭ جوعارى سوما بولىپ تابىلادى»،-دەلىنگەن حابارلامادا.
وسى ۋچاسكەلەر بويىنشا گەولوگيالىق بارلاۋعا ينۆەستيسيالاردىڭ ەڭ از سوماسى 20،0 ملرد تەڭگەنى قۇرايتىن بولادى.