قازاقتىڭ ۇلتتىق قۇندىلىقتارى دارىپتەلدى

1-اقپان حالىقارالىق ورامال مەرەكەسىنە ارنالعان  «قازاق انالارى-داستۇرگە جول» رقب  الماتى جانە الماتى وبلىسى فيليالدارى  ۇيىمداستىرىپ وتىرعان «اق كيمەشەك - انالار اماناتى!» اتتى جيىنى ءوتتى، دەپ حابارلايدى aqshamnews.kz

باعدارلامادا «سالت-داستۇردەن كورىنىس قويىلىمدار»، «مەن تاڭداعان كيمەشەك ۇلگىسى» كيمەشەك ۇستىنەن شىلاۋىش، كۇندىك وراۋ، «قايران ءبىزدىڭ انالار، اردى ويلاعان»  ءوز زامانىندا اجە، انا، جەڭگەلەرىمىزدىڭ كيمەشەك، جاۋلىق، ورامال تاققان سۋرەتتەرىنەن كورمە، «ءان، جىر، قىزىقتى ويىندار (اق باتا، جۇمباق، جاڭىلتپاش) قامتىلدى.

ماقساتى – قازاق حالقىنىڭ ۇلتتىق ءسالت-داستۇرى مەن ادەت-عۇرىپتارىن قايتا جاڭعىرتۋ، وتباسىلىق قۇندىلىقتاردى دارىپتەۋ.

ۇلتتىق بىرەگەيلىكتى ساقتاۋ جولىندا ءداستۇر مەن عۇرپتى، زاماناۋي ۇلتتىق كيىم مەن انا ءتىلىن جۇيەلى جاڭعىرتىپ، دۇرىس تاربيە بەرۋ.

 ءىس-شارانىڭ ءمان-ماڭىزى تۋرالى «قازاق انالارى داستۇرگە جول» رەسپۋبليكالىق قوعامدىق بىرلەستىگىنىڭ الماتى جانە الماتى وبلىسى فيليالدارى ءتورايىمى  لايلە داۋلەت ايتىپ بەردى.

– 1 اقپان بۇل – «حالىقارالىق ورامالدار كۇنى» بولىپ بەكىتىلگەن. ءبىز ءوزىمىزدىڭ ۇردىسىمىزگە ساي، قازاقتىڭ ءداستۇر-سالتى، اق كيمەشەك، اق ورامالدىڭ ءقادىرى، قىز بالانىڭ ءوسۋ رەتى ءبارى-بارىن ءدۇيىم جۇرتقا كورسەتىپ كەلەمىز. نەگىزى مۇددە – قازاقتىڭ ادەت-عۇرپىن، سالت-ساناسىن وسكەلەڭ ۇرپاققا ءتۇسىندىرۋ. سونداي-اق وسى جيىننىڭ اياسىندا ءسالت-داستۇر دارىپتەلدى، ءان-شاشۋ، قازاقتىڭ ۇلتتىق راسىمدەرى كورسەتىلدى. بۇنداي جيىندار ۇلتتىق بولمىستى ساقتاپ، رۋحانياتتى جاڭعىرتۋعا جول اشادى، – دەدى ول.

سونىمەن قاتار ءداستۇردى بەرىك ۇستاۋ، قوعام اراسىندا ناسيحاتتاۋ، وتكەندى ۇمىتپاۋ، بولاشاققا نىق قادام باسۋ سياقتى كەلەلى وي-پىكىرلەر ايتىلدى.

– ءبىز المالى اۋدانىنىڭ اتىنان وسى ءىس-شاراعا قاتىسىپ وتىرمىز. ءوزىمنىڭ 11-12 جاس ارالىعىنداعى قىزىمدى قاتىستىردىم. ءجاسوسپىرىم شاقتاعى شاش ءورۋ ۇلگىسى، تاقيا كيۋ، كامزول كيۋ سياقتى ءبىرقاتار قۇندىلىقتاردى دارىپتەۋ ءتۇسۋ كەرەك. ماقساتىم – كونەدەن، اتا-بابامىزدان جەتكەن ءسالت-داستۇردىڭ جاڭعىرۋىنا زور ۇلەس قوسۋ، – دەدى كوپ بالالى انا ناعيما وسپانوۆا.

قوسىمشا مالىمەت: بۇل – «قازاق انالارى – داستۇرگە جول» رەسپۋبليكالىق قوعامدىق بىرلەستىگى - ق ر پرەزيدەنتى  جانىنداعى «ايەلدەر ىستەرى جانە وتباسىلىق دەموگرافيالىق ساياسات جونىندەگى ۇلتتىق كوميسسيا» مۇشەسى، مادەنيەت ۇزدىگى، اينۇر سەرىك قىزى جۇگىنىسوۆانىڭ اۆتورلىق جوباسى.