روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمى «گۇلدەر» ءانسامبلىنىڭ ءارتىسى اققانات سماعۇلوۆا 2024 جىلدىڭ 20 اقپانىندا گەرمانيادا وتكەن «TANZOLYMP» بەدەلدى حالىقارالىق حورەوگرافيالىق بايقاۋىنىڭ التىن مەدالىنە يە بولدى.
بۇل تۋرالى مادەنيەت جانە اقپارات مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
ونەر دوداسىندا اققانات انۆارا سادىقوۆا قويعان «اققۋ» جانە المات شامشييەۆ قويعان «ەركە بالا» اتتى ەكى بي ءنومىرىن ۇسىندى. ⠀
800-دەن استام ونەرپاز ب ا ق سىناعان بايقاۋدا 34 قاتىسۋشى ىرىكتەۋدەن ءوتىپ، گالا-كونسەرتتە ونەر كورسەتتى. ايتا كەتۋ كەرەك، اققانات - گالا-كونسەرتتە «حالىق ءبيى» نوميناسياسى بويىنشا ونەر كورسەتۋگە مۇمكىندىك العان جالعىز ونەرپاز. ⠀
«TANZOLYMP» فەستيۆال-بايقاۋى جىل سايىن وتكىزىلەتىن بەدەلدى حورەوگرافيالىق بايقاۋلاردىڭ ءبىرى. بايقاۋ باعدارلاماسىن مادەنيەت جانە ونەر قايراتكەرلەرى مەن كاسىبي بي وقىتۋشىلارى باعالايدى.