جۇك كولىگىنىڭ استىنا ەر ادامدى يتەرگەن ايەلگە ۇكىم شىقتى

جابىرلەنۋشى العان جاراقاتتارىنىڭ سالدارىنان سول جەردە كوز جۇمدى.

19 اقپاندا الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى الماتى - بىشكەك تاس جولىندا ەر ادامدى جۇك كولىگىنىڭ دوڭگەلەگى استىنا يتەرىپ جىبەرگەن ايەلگە قاتىستى ۇكىم شىعاردى، دەپ حابارلايدى اlmaty-akshamy.kz سوتتىڭ باسپا ءسوز قىزمەتىنە سىلتەمە جاساپ.

بۇل 2023 جىلدىڭ قازان ايىندا بولدى. سوتتالۋشى مەن ونىڭ سەرىكتەسى الماتى - بىشكەك تاس جولىنىڭ قاراساي اۋدانىنا تيەسىلى اۋماعىندا ورىن العان بولاتىن. ەكەۋى دە ماس كۇيدە بولعان. ولاردىڭ اراسىندا جانجال شىعىپ، سالدارىنان ايەل ەر ادامدى جۇك كولىگىنىڭ دوڭگەلەكتەرىنىڭ استىنا يتەرىپ جىبەرگەن.

جابىرلەنۋشى العان جاراقاتتارىنىڭ سالدارىنان سول جەردە كوز جۇمدى.

"سوتتالۋشىنىڭ كىناسى تولىق دالەلدەندى جانە راستالدى. سوتتالۋشىنىڭ قىلمىستىق جاۋاپتىلىعى مەن جازاسىن جەڭىلدەتەتىن ءمان-جايلار انىقتالمادى، ال جازانى اۋىرلاتاتىن ءمان-جاي – الكوگولدىك ماساڭ كۇيدە بولۋى"، – دەپ جازىلعان حابارلامادا.

سوت ايەلدى قازاقستان رەسپۋبليكاسى قىلمىستىق كودەكسىنىڭ 99-بابىنىڭ 1-بولىگى "ادام ءولتىرۋ" بويىنشا كىنالى دەپ تانىدى. ول 10 جىل مەرزىمگە باس بوستاندىعىنان ايىرىلدى.

داننىي تەكست سكوپيروۆان س سايتا Informburo.kz
https://informburo.kz/kaz/newskaz/almaty-oblysynda-aiel-er-adamdy-kolik-dongeleginin-astyna-iterip-ziberdi-sot-ukim-sygardy