ق ر باسەكەلەستىكتى قورعاۋ جانە دامىتۋ اگەنتتىگىنىڭ استانا قالاسى بويىنشا دەپارتامەنتى «قازاقتەلەكوم» اق كورسەتەتىن قىزمەتتى تەكسەرۋ بارىسىندا بىرنەشە زاڭبۇزۋشىلىقتى انىقتادى، دەپ حابارلايدى Almaty-akshamy.kz.
«iD Net» قىزمەتى بويىنشا ينتەرنەتكە كىرۋ ءۇشىن ONT قۇرىلعىلارىن جالعا بەرۋ بويىنشا قىزمەتىن تەكسەرۋ بارىسىندا ابونەنتتەرگە قوسىمشا جابدىقتى (مودەم) جالعا بەرۋ بەلگىلەرى (مىندەتتى تۇردە) بار ەكەنىن انىقتادى»، - دەلىنگەن اگەنتتىك حابارلاماسىندا، دەپ جازدى Azattyq Ruhy.
اكسيونەرلىك قوعامنىڭ اقپاراتى بويىنشا G-PON جەلىسىنىڭ OLT ستاسيونارلىق جابدىعى مەن ابونەنتتەرگە اكسيونەرلىك قوعام مىندەتتى تۇردە جالعا بەرەتىن كليەنتتىك جابدىق اراسىندا ءاربىر ءوندىرۋشى OMCI ءوزارا ءىس-قيمىلىنىڭ مەنشىكتى (اۆتورلىق قۇقىقپەن قورعالعان) حاتتاماسىن قولدانادى. وسىلايشا، كليەنت ستاسيونارلىق وندىرۋشىمەن بىردەي جابدىققا يە بولا وتىرىپ، ونى پايدالانا المايدى، ويتكەنى اكسيونەرلىك قوعام ءوزىنىڭ جابدىقتارىن «ابونەنتكە مىندەتتى تۇردە جالعا بەرەدى».
«اكسيونەرلىك قوعامنىڭ بۇل ارەكەتتەرى كليەنتتىڭ ينتەرنەت جەلىسىنە قول جەتكىزۋ قىزمەتتەرىن الۋ ءۇشىن ءوزىنىڭ سەرتيفيكاتتالعان ابونەنتتىك قۇرىلعىلارىن پايدالانۋ قۇقىعىنا قاتىستى نورمالاردى بۇزعان. دەمەك، اكسيونەرلىك قوعامنىڭ ىس-ارەكەتتەرىندە دەپارتامەنت باسەكەلەستىكتى قورعاۋ سالاسىنداعى زاڭنامانى بۇزۋ بەلگىلەرىن، اتاپ ايتقاندا تۇتىنۋشىلاردىڭ زاڭدى قۇقىقتارىنا نۇقسان كەلتىرەتىن ۇستەم جاعدايدى تەرىس پايدالانۋ ءىس-قيمىلىن بايقادى»، - دەپ اتاپ ءوتتى ۆەدومستۆو وكىلدەرى.
وسىعان بايلانىستى، اكسيونەرلىك قوعامعا بۇزۋشىلىق بەلگىلەرىن جويۋ جونىندە شارالار قابىلداۋ قاجەتتىگى تۋرالى حابارلاما جىبەرىلدى، ونى ىشىندە تۇتىنۋشىلارعا ءوز جابدىقتارىن پايدالانۋعا مۇمكىندىك بەرۋدى تۋرالى ەسكەرتپە دە بار.