كەلەر جىلدان باستاپ 4 ملنعا جۋىق ادام دەكلاراسيا تاپسىرادى.
ءبىرىنشى كەزەكتە زاڭدى تۇلعالاردىڭ باسشىلارى مەن قۇرىلتايشىلارى، جەكە كاسىپكەرلەر مەن جۇبايلارى مىندەتتەلەدى. بۇل تۋرالى قارجى ۆيسە-مينيسترى ەرجان ءبىرجانوۆ سەناتتىڭ قارجى جانە بيۋدجەت كوميتەتىنىڭ وتىرىسىندا ايتتى، دەپ حابارلايدى اlmaty-akshamy.kz 24.kz-كە سىلتەمە جاساپ.
دەكلاراسيانى تۇرعىلىقتى جەرى بويىنشا 2024 جىلدىڭ 15-قىركۇيەگىنە دەيىن «سالىق تولەۋشىنىڭ كابينەتى»، ەلەكتروندى ۇكىمەتتىڭ ۆەب-پورتالى نەمەسە ەكىنشى دەڭگەيلى بانكتەردىڭ ءموبيلدى قوسىمشالارى ارقىلى تاپسىرۋعا بولادى. 2025 جىلى زەينەتكەرلەرگە، ستۋدەنتتەرگە، ءۇي شارۋاسىنداعى ادامدار مەن جەكە قۇرىلىم قىزمەتكەرلەرىنە كەزەك كەلەدى. ءسويتىپ شامامەن 6،5 ملن ادام قامتىلادى.
ەرجان ءبىرجانوۆ، ق ر قارجى ءمينيسترىنىڭ ورىنباسارى: - جەكە ازامات دەكلاراسيا تاپسىرار الدىندا بارلىق مالىمەت كەلىپ تۇسەدى. ەگەر جەكە تۇلعا ايتسا، بۇل مالىمەت ەسكى نەمەسە دۇرىس ەمەس دەسە، ونى الىپ تاستاۋعا مۇمكىنشىلىگى بار. بىزدە اۆتوماتتى تۇردە 80 ەلمەن اقپارات الماسامىز. ءبىرىنشى اقپاراتتى بيىل الدىق. سول اقپاراتتى وڭدەۋ ارقاسىندا بۇگىندە 568 ازاماتقا حابارلاما جىبەرىپ، 3 ملرد-تاي سومانى بيۋدجەتكە ءوندىرىپ الدىق جەكە ازاماتتاردان.