كوميتەت سپورتتىق اربيتراجدىق سوتتىڭ شەشىمدەرىن قۇرمەتتەيدى.
قازاقستان ۇلتتىق وليمپيادالىق كوميتەتى 2016 جىلى ريو-دە-جانەيرودا وتكەن جازعى وليمپيادا ويىندارىنىڭ جەڭىمپازى زىلتەمىرشى نيجات راحيموۆقا قاتىستى ءوز مالەمدەمەسىن جاسادى، دەپ حابارلايدى Almaty-akshamy Olympic.kz سىلتەمە جاساپ.
«حالىقارالىق وليمپيادا كوميتەتىنەن قازاقستان ۇلتتىق وليمپيادالىق كوميتەتىنە 2016 جىلى ريو-دە-جانەيرودا وتكەن جازعى وليمپيادا ويىندارىنىڭ جەڭىمپازى، زىلتەمىرشى نيجات راحيموۆتى التىن مەدالىنەن (77 كەلىگە دەيىنگى سالماق دارەجەسى) ايىرۋ تۋرالى رەسمي حابارلاما تۇسكەن جوق. قوسىمشا اقپارات بولعان جاعدايدا قازاقستان ۇوك رەسمي مالىمدەمەيدى»، - دەلىنگەن ۇوك مالىمدەمەسىندە.
قازاقستان ۇوك سپورتتىق اربيتراجدىق سوتتىڭ (CAS) شەشىمدەرىن قۇرمەتتەيدى.
ق ر ۇوك حالىقارالىق وليمپيادا كوميتەتى (حوك) مەن دۇنيەجۇزىلىك دوپينگكە قارسى اگەنتتىكتىڭ (WADA) دوپينگكە مۇلدەم توزبەۋشىلىك جانە «تازا» سپورتشىلاردى قورعاۋ جونىندەگى ساياساتىن قولدايدى. قازاقستان ۇوك دوپينگكە قارسى كۇرەستە حوك ەرەجەلەرى مەن بەلگىلەنگەن نورمالارىن ساقتاۋ ساياساتىن جۇزەگە اسىرادى جانە وليمپيادالىق حارتيا مەن دۇنيەجۇزىلىك دوپينگكە قارسى كودەكستى مويىندايدى، سونىمەن قاتار جاھاندىق دوپينگكە قارسى قوزعالىستىڭ مۇشەسى بولىپ تابىلادى.
قازاقستان رەسپۋبليكاسىنىڭ «دەنە شىنىقتىرۋ جانە سپورت تۋرالى» زاڭى دا دوپينگكە قارسى حالىقارالىق ساياساتتى قولدايدى جانە ونى بۇزعانى ءۇشىن سپورتشى مەن ونىڭ كاسىبي سپورتتىق قىزمەتىمەن بىرگە جۇرەتىن ادامداردى جەكە جاۋاپكەرشىلىككە تارتۋدى كوزدەيدى.
ەستەرىڭىزگە سالا كەتسەك، وليمپيادا چەمپيونى نيجات راحيموۆ مەدالىنەن ايىرىلۋىنا قاتىستى پىكىر بىلدىرگەن بولاتىن.
«دوستار، ناۋرىز مەرەكەسى كۇندەرى دوپينگكە قارسى CAS دەپارتامەنتىنىڭ 2016 جىلى الىنعان باقىلاۋ سىناماسىنا قاتىستى شەشىمى كوڭىلىمدى ءتۇسىرىپ جىبەردى. بىلتىر تامىز ايىنداعى تىڭداۋلار كەزىندە ول جاعدايعا ەش قاتىسىم جوق ەكەنىن ايتتىم. ءبىراق، وكىنىشكە قاراي، اربيتر دالەلدەرىمدى قابىلداماپتى»، - دەپ جازدى Instagram-داعى پاراقشاسىندا نيجات راحيموۆ.