Cوتقا دەيىنگى تەرگەۋ باستالدى.
الماتىدا جاپپاي تارتىپسىزدىك كەزىندە ىدىس-اياق دۇكەنىن توناعان ەر ادام ۇستالدى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى دەرەك بويىنشا، بۇلىكشىنى ۇستاۋ كەزىندە پوليسيا قىزمەتكەرلەرى تابالار، شاينەكتەر، پىسىرمە تاباقتار، پىشاقتار جانە باسقا دا اس ءۇي ىدىستارىن تاركىلەدى.
«جاپپاي تارتىپسىزدىكتەر كەزىندە توتەنشە جاعدايدى پايدالانا وتىرىپ، ا. ەسىمدى ازامات ساۋدا ورتالىقتارىنىڭ بىرىندە ورنالاسقان ىدىس-اياق ساتاتىن بۋتيكتەن جالپى قۇنى بەس ميلليون تەڭگە بولاتىن اس ءۇي ىدىستارىن الىپ كەتكەن. 32 جاستاعى ازامات قىلمىسىن مويىندادى. ول سونداعى بىرنەشە بەينەباقىلاۋ كامەراسىنا جانە كۋاگەرلەردىڭ سمارتفونىنا ءتۇسىپ قالعان»، – دەدى بوستاندىق اۋداندىق پوليسيا باسقارماسى جانىنداعى پوليسيا ءبولىمىنىڭ باستىعى عالىم قاسىمبايەۆ.
اتالعان دەرەك بويىنشا سوتقا دەيىنگى تەرگەۋ باستالدى. كۇدىكتىنىڭ ارەكەتتەرى ق ر قك-نىڭ 188-بابى 3- بولىگىنىڭ 3-تارماعىمەن (ۇرلىق) سارالانادى.
«كۇدىكتى ۇرلانعان زاتتاردى ساتا الماعان. جەدەل ۋاكىلدەر ۇرلانعان اس ءۇي ىدىستارىن تاركىلەپ، ايعاق رەتىندە قىلمىستىق ءىس ماتەريالدارىنا تىركەدى. الماتى قالاسىنىڭ مامانداندىرىلعان اۋدانارالىق تەرگەۋ سوتى «قاماۋعا الۋ» تۇرىندەگى بۇلتارتپاۋ شاراسىن سانكسيالادى»،- دەدى عالىم قاسىمبايەۆ.