جولشىلار كۇشەيتىلگەن جۇمىس رەجيمىنە كوشكەن
اۋا رايىنىڭ كۇرت بۇزىلۋىنا بايلانىستى قازاقستاننىڭ ءتورت وڭىرىندە جول جابىلدى، دەپ حابارلايدى Almaty-akshamy.kz.
«قازاۆتوجول» ۇلتتىق كومپانياسى تاراتقان مالىمەتكە سەنسەك، شىعىس قازاقستان، جەتىسۋ، قاراعاندى جانە اباي وبلىستارىندا بورانعا بايلانىستى رەسپۋبليكالىق ماڭىزى بار جولداردىڭ ۋچاسكەلەرىندە كولىك قوزعالىسى شەكتەلگەن.
اتاپ ايتقاندا بۇگىن كەشكى 18.30-دان باستاپ اباي وبلىسىندا «الماتى-وسكەمەن» تاسجولىنىڭ جەتىسۋ وبلىسىنىڭ شەكاراسىنان اياگوز قالاسىنا دەيىنگى ارالىعى، اياگوزدەن قالباتاۋ اۋىلىنا دەيىنگى، قالباتاۋدان شقو شەكاراسىنا دەيىنگى ۋچاسكەسى جابىلدى.
سونداي-اق «تاسكەسكەن-باقتى» جولىنىڭ 0-184 شاقىرىم ارالىعى جابىق.
جەتىسۋ وبلىسىندا «الماتى-وسكەمەن» جولىنىڭ ءۇشارال قالاسىنان اباي وبلىسى شەكاراسىنا دەيىنگى ارالىعىندا كولىك قوزعالىسىنا تىيىم سالىنعان.
ودان بولەك شىعىس قازاقستان وبلىسىندا «الماتى-وسكەمەن» اۆتوجولىنىڭ اباي وبلىسى شەكاراسىنان قاسىم قايسەنوۆ اۋىلىنا دەيىنگى ارالىعى جابىلعان.
«وسكەمەن-شەمونايحا-رەسەي شەكاراسى» جولىنىڭ 105-123 شاقىرىم ارالىعىندا دا قوزعالىسقا شەكتەۋ قويىلدى.
بۇل - شەمونايحا قالاسىنان رەسەي فەدەراسياسى شەكاراسىنا دەيىنگى ۋچاسكە.
سونىمەن قاتار ساعات 19.00-دەن باستاپ قاراعاندى وبلىسىنداعى «قاراعاندى-بالقاش» تاسجولىندا جۇك جانە قوعامدىق كولىك قوزعالىسىنا شەكتەۋ ەنگىزىلدى
ايتا كەتەيىك، ءقازىر جولداردا 60 ارنايى تەحنيكا جۇمىس ىستەپ جاتىر. قاجەت بولعان جاعدايدا تەحنيا سانىن ارتتىرۋ كوزدەلىپ وتىر.
جولشىلار كۇشەيتىلگەن جۇمىس رەجيمىنە كوشكەن.
ەستەرىڭىزگە سالا كەتەيىك، رەسپۋبليكالىق جولدا شتاتتان تىس جاعداي تۋىنداسا، كولىك يەلەرى 1403 ءنومىرى بويىنشا تاۋلىك بويى جۇمىس ىستەيتىن call-ورتالىققا حابارلاسا الادى.