10 گرامدىق التىن قۇيما جوعارى سۇرانىسقا يە
قازان ايىندا ەكىنشى دەڭگەيلى بانكتەر مەن بانكتىك ەمەس جەكەلەگەن ايىرباستاۋ پۋنكتەرىندە جالپى سالماعى 125،66 كەلى 3 130 التىن قۇيما ساتىلدى. بۇل تۋرالى Almaty-akshamy.kz ۇلتتىق بانكتىڭ رەسمي سايتىنا سىلتەمە جاساپ حابارلايدى.
قۇيمالار بەس ءتۇرلى سالماقتا ۇسىنىلادى: 5، 10، 20، 50 جانە 100 گ. ساتىپ الۋشىلار اراسىندا وتە جوعارى سۇرانىسقا يە ءتۇرى – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ۇلەسى – 25% نەمەسە 27 596 دانا. ودان كەيىن 5 گرامدىق التىن قۇيما – 23 362 دانا (22%) جانە 20 گرامدىق قۇيما – 22 555 دانا (21%)، 100 گرامدىق قۇيما – 22 075 دانا (20%)، ال 50 گرامدىق قۇيمادان – 12 487 دانا (12%) ساتىلعان. التىن قۇيمالار الماتى، استانا، اتىراۋ جانە قاراعاندى قالالارىندا كوپ ساتىلادى.
ايتا كەتسەك، ازاماتتارعا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن ۇلتتىق بانك 2017 جىلى ىسكە قوسقان بولاتىن. باعدارلاما قولعا الىنعالى جالپى سالماعى 3،67 تونناعا جۋىق 108 075 التىن قۇيما ساتىلدى. سونداي-اق، ەكىنشى دەڭگەيلى بانكتەر مەن بانكتىك ەمەس جەكەلەگەن ايىرباستاۋ پۋنكتەرى جالپى سالماعى 437 كەلى 17 434 التىن قۇيمانى كەرى ساتىپ الدى، بۇل – جالپى ساتىلعان التىن قۇيمالاردىڭ 16،1%-ى. ولار كەرى ساتىپ العان التىن قۇيمالاردىڭ بارلىعى دەرلىك ۇلتتىق بانكتىڭ فيليالدارى ارقىلى ساتىلادى.