قازاقستاننىڭ تاۋار ەكسپورتى 46،6 پايىزعا ارتتى. بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«وسى جىلدىڭ قاڭتار-اقپانىندا سىرتقى ساۋدا تاۋار اينالىمى 52،5 پايىزعا ءوسىپ، 18،2 ملرد اقش دوللارىن قۇرادى. ونىڭ ىشىندە ەكسپورت بويىنشا كورسەتكىش 71،4 پايىزعا ارتىپ، 12،1 ملرد اقش دوللارىنا دەيىن جەتتى. بۇل رەتتە وڭدەلگەن تاۋارلار ەكسپورتى 46،6 پايىزعا ۇلعايىپ، 3،5 ملرد اقش دوللارىنا دەيىن جەتىپ وتىر. تاۋارلار يمپورتى 6،1 ملرد دوللاردى قۇرادى. جالپى، وڭ ساۋدا بالانسى 6 ملرد اقش دوللارىن قۇرادى»، - دەدى الىبەك قۋانتىروۆ.