بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ورتالىق جانە جەرگىلىكتى اتقارۋشى ورگاندار نازار اۋدارۋى ءتيىس ءىس-شارالاردى اتادى، دەپ حابارلايدى اlmaty-akshamy.kz.
ونىڭ اتاپ وتۋىنشە، ورتالىق جانە جەرگىلىكتى اتقارۋشى ورگاندار ەڭ الدىمەن كوكتەمگى ەگىس جۇمىستارىن ءتيىمدى جۇرگىزۋگە كەشەندى قولداۋ كورسەتۋگە، وڭدەۋ ونەركاسىبىندە جوسپارلانعان ءوسۋ قارقىنىن قامتاماسىز ەتۋگە باسا نازار اۋدارى كەرەك.
الەۋمەتتىك ماڭىزى بار ازىق-تۇلىك تاۋارلارىنىڭ باعاسىنا تۇراقتى مونيتورينگ جۇرگىزىپ، تۇراقتاندىرۋ قورى ارقىلى ولاردىڭ قولجەتىمدىلىگىن قامتاماسىز ەتۋى ءتيىس.
سونىمەن قاتار ينۆەستور تارتۋ جانە سۇيەمەلدەۋ بويىنشا ناقتى جۇمىستى بارلىق دەڭگەيلەردە جانداندىرۋى قاجەت.
تۇراقتى جانە ۋاقىتشا جۇمىسپەن قامتۋدى قولداۋ باعدارلامالارىن ىسكە اسىرۋ اياسىندا ەڭبەك نارىعىنداعى تۇراقتىلىقتى قامتاماسىز ەتكەنى ءجون.
ەكسپورتتاۋشىلاردىڭ جاڭا نارىقتارعا شىعۋىنا قولداۋ كورسەتۋ، ەكسپورتتاۋ باعىتتارىنىڭ بالامالى جولدارىن قالىپتاستىرۋ كەرەك.
«جوعارىدا اتالعان ءىس-شارالاردى تولىقتاي ىسكە اسىرۋ ەلىمىزدىڭ ەكونوميكاسىنىڭ ءوسۋىن جەدەلدەتۋگە مۇمكىندىك بەرەدى»، - دەدى الىبەك قۋانتىروۆ.