2024 جىلدىڭ 1 قىركۇيەگىنەن باستاپ قوستاناي وبلىسىنداعى بارلىق جالپى ءبىلىم بەرۋ ۇيىمدارىندا BilimClass ەلەكتروندى جۋرنالى مەن كۇندەلىگى ءمودۋلى ەنگىزىلەدى. وسىلايشا، ءوڭىر مەكتەپتەرىندە بۇرىن قولدانىستا بولعان «كۇندەلىك» جۇيەسىنەن باس تارتادى، دەپ حابارلايدى aqshamnews.kz
«قوستاناي وبلىسىنىڭ ءبىلىم باسقارماسى مەن «Bilim Land» ج ش س اراسىندا بيىلعى شىلدە ايىندا ىنتىماقتاستىق تۋرالى مەموراندۋمعا قول قويىلدى. BilimClass جۇيەسىنە كوشۋ بارىسىندا بارلىق ءبىلىم بەرۋ ۇيىمدارىنا مۇعالىمدەر، وقۋشىلار جانە ولاردىڭ اتا-انالارى ءۇشىن تەگىن سيفرلىق رەسۋرستار ۇسىنىلادى. مەكتەپتەر، سىنىپتار جانە پاندەر بويىنشا ءبىلىم ساپاسىن اۋداندىق جانە وبلىستىق دەڭگەيدە مونيتورينگ جۇرگىزۋ مۇمكىندىگى قاراستىرىلعان. «كۇندەلىك» جۇيەسىنەن دەرەكتەردى جۇكتەپ العاننان كەيىن قۇجاتتاردى تەگىن ساقتاۋ جانە BilimClass جۇيەسىنە اۆتوماتتى تۇردە دەرەكتەردى جۇكتەۋ مۇمكىندىگى بەرىلەدى»، – دەپ حابارلادى وبلىستىڭ ءبىلىم باسقارماسى.
سونىمەن قاتار، وقۋشىلارعا حالىقارالىق زەرتتەۋلەرگە (PISA، TIMSS، PIRLS) دايىندىق كەزىندە فۋنكسيونالدىق ساۋاتتىلىقتى قالىپتاستىرۋ جانە باعالاۋ ءۇشىن Bilimcenter.kz مودۋلىنە تەگىن قولجەتىمدىلىك بەرىلەدى. مونيتورينگ جانە بىلىكتىلىكتى ارتتىرۋ كۋرستارىنان وتكەن كەزدە سەرتيفيكاتتاۋ مۇمكىندىگى دە قاراستىرىلعان. باسقارما پلاتفورمانىڭ جارناماسىز جۇمىس ىستەيتىنىن ناقتىلادى.
وتكەن جىلدان باستاپ اكتوبە وبلىسىنىڭ مەكتەپتەرى دە BilimClass ەلەكتروندى كۇندەلىگىنە كوشكەن بولاتىن.