الماتى وبلىسىنىڭ قاراساي اۋدانىندا مەدبيكەنىڭ ولىمىنە كۇدىكتى ەر ادام ۇستالدى، دەپ حابارلايدى Almaty-akshamy.kz polisia.kz-كە سىلتەمە جاساپ.
«7 تامىز كۇنى ساعات 17:00 شاماسىندا قاراساي اۋدانىنىڭ اۋرۋحاناسىنا كەۋدە قۋىسىندا سۇعىلىپ-كەسىلگەن جاراقاتتارى بار 45 جاستاعى ايەل تۇسكەنىن، كەيىن ول العان جاراقاتى سالدارىنان قازا بولعانىن حابارلايمىز.اتالعان دەرەك ق ر قىلمىستىق كودەكسىنىڭ 99-بابى (كىسى ءولتىرۋ) بويىنشا اۋداندىق پوليسيادا تىركەلدى. ارنايى ءىس-شارا بارىسىندا ءتارتىپ ساقشىلارى كۇدىكتى – كوشمامبەت اۋىلىنىڭ 42 جاستاعى تۇرعىنىنىڭ جەكە باسىن انىقتاپ، ونى ءبىر ساعات ىشىندە «ءىزىن سۋىتپاي» ۇستادى.
اتالعان دەرەكتى تەرگەۋدىڭ تولىقتىعىن، جان-جاقتىلىعىن جانە وبەكتيۆتىلىگىن قامتاماسىز ەتۋ ماقساتىندا سوت-مەديسينالىق ساراپتاما تاعايىندالىپ، تەرگەۋ ءىس-شارالارى جۇرگىزىلىپ جاتىر»،- دەپ حابارلادى پوليسيادان.
قىلمىس مارقۇم ايەلدىڭ جۇمىس ورنىندا جاسالعان.
«ۇستالعان ەر ادامنىڭ ايتۋىنشا، بولعان وقيعا جەكە قارىم-قاتىناسقا بايلانىستى جانە ونىڭ ايەلدىڭ كاسىبي قىزمەتىنە قاتىسى جوق. ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى»، - دەلىنگەن مالىمەتتە.