قازاقستاننىڭ قورعانىس مينيسترلىگى وتەماقى تولەۋدىڭ جاڭا نۇسقاسىن بەكىتەدى

ءبىرجولعى وتەماقى تولەۋ جونىندەگى نۇسقاۋلىقتىڭ جوباسىن ازىرلەدى. 

قازاقستان ۇكىمەتى اسكەريلەرگە تولەنەتىن ءبىرجولعى وتەماقى جونىندەگى نۇسقاۋلىقتىڭ جوباسىن ازىرلەدى، دەپ حابارلايدى Almaty-akshamy.kz.

«قورعانىس مينيسترلىگى اسكەري قىزمەت وتكەرۋ كەزەڭىندە اسكەري قىزمەتشى نەمەسە اسكەري جيىندارعا شاقىرىلعان اسكەري مىندەتتى قازا تاپقان (قايتىس بولعان) جاعدايدا، وعان مۇگەدەكتىك بەلگىلەنگەن كەزدە نەمەسە ول اسكەري قىزمەت مىندەتتەرىن ورىنداۋعا بايلانىستى مەرتىككەن جاعدايدا ءبىرجولعى وتەماقى تولەۋ جونىندەگى نۇسقاۋلىقتىڭ جوباسىن ازىرلەدى»،- دەلىنگەن قورعانىس مينيسترلىگىنىڭ حابارلاماسىندا.

نورماتيۆتىك قۇقىقتىق اكت مۇراگەرلەر مەن اسكەري قىزمەتشىلەردىڭ وزدەرى قۇجاتتاردى قابىلداۋ، جيناقتاۋ جانە ءبىرجولعى وتەماقى الۋ ءتارتىبىن رەتتەيدى. وندا جەرگىلىكتى اسكەري باسقارۋ ورگاندارىنىڭ، سونداي-اق اسكەري قىزمەتشىلەر قىزمەت وتكەرگەن اسكەري بولىمدەر مەن بولىمشەلەردىڭ ءىس-قيمىل الگوريتمى بەلگىلەنگەن.

اتالعان نۇسقاۋلىق ق ر قورعانىس ءمينيسترىنىڭ بۇيرىعىمەن بەكىتىلەتىن بولادى. قۇجات جوباسىنىڭ تولىق ماتىنىمەن «ەلەكتروندىق ۇكىمەت» پورتالىنىڭ «اشىق نقا» بولىمىندە بيىلعى جىلعى 26 شىلدەگە دەيىن مىنا سىلتەمە ارقىلى تانىسۋعا بولادى: https://legalacts.egov.kz/npa/view؟id=14149493