قازاقستانداعى ينتەرنەت ساپاسى قولدانۋشىلاردىڭ كوڭىلىنەن شىقپايدى.
سوڭعى ۋاقىتتا وعان قاتىستى شاعىم سانى 10 ەسەگە ارتتى. بىلتىردىڭ وزىندە سيفرلىق دامۋ مينيسترلىگى وسىنداي ارىزداردىڭ نەگىزىندە 600-گە جۋىق تەكسەرىس جۇرگىزگەن، دەپ حابارلايدى Almaty-akshamy.kz 24.kz-كە سىلتەمە جاساپ.
كەشە مەملەكەت باسشىسى "اكىمشىلىك قۇقىقبۇزۋشىلىقتار كودەكسىنە وزگەرىس ەنگىزۋ تۋرالى" زاڭعا قول قويدى. قۇجاتتا ينتەرنەت ساپاسىنا قاتىستى تالاپتى بۇزعان كومپانيالارعا ءبىر مىڭ ايلىق ەسەپتىك كورسەتكىش كولەمىندە ايىپپۇل سالۋ قاراستىرىلعان. بۇرىن بۇل سوما 10 ەسە از بولاتىن. ال جاعداي قايتالانسا، ايىپپۇل قۇنى تاعى ارتادى.