قازاقستاندىق ءانشىنىڭ فاناتتارى ءبىر اپتادا 130500 تەڭگە جيناعان.
ديماش قۇدايبەرگەننىڭ DQFCB فان-كلۋبى پەرنامبۋكوداعى سۋ تاسقىنىنان زارداپ شەككەن 26 وتباسىنا ازىق-تۇلىك بەردى، دەپ حابارلايدى Almaty-akshamy.kz Dimashnews.com سىلتەمە جاساپ.
ماۋسىم ايىندا ديماش قۇدايبەرگەننىڭ برازيلياداعى فان-كلۋبى سۋ تاسقىنىنان زارداپ شەككەندەرگە كومەك كورسەتۋ ماقساتىندا قايىرىمدىلىق اكسياسى باستالعانىن جاريالاعان بولاتىن.
ءبىر اپتانىڭ ىشىندە Dears بىرىگىپ 1450 رەال (~130500 تەڭگە) جينادى، ول ازىق-تۇلىك پەن العاشقى كەزەكتەگى قاجەت زاتتاردى ساتىپ الۋعا جۇمسالدى.
2022 جىلدىڭ 3 شىلدەسىندە فان-كلۋب مۇشەلەرى ياسميم گابريەللي مەن زورايا الۆەس پەرنامبۋكو شتاتىنداعى يگارازۋ قالاسىنان 26 وتباسىنا ازىق-تۇلىك سىيلادى.
برازيلياداعى ديماش فان-كلۋبى قايىرىمدىلىق اكسياسىنا قاتىسقان بارلىق قامقور Dears-قا شىن جۇرەكتەن العىسىن ءبىلدىردى، سونداي-اق وسى قيىن ۋاقىتتا بارلىق مۇقتاج ادامدارعا كومەك كورسەتۋگە دايىن ەكەنىن ايتتى.