قىلمىستىق ءىس قوزعالىپ، بىرنەشە ادام ۇستالدى.
قازاقستان مەن وزبەكستان شەكاراسىندا قۇپيا جەراستى جولى تابىلدى، دەپ حابارلايدى Almaty-akshamy.kz وزبەكستان مەملەكەتتىك قاۋىپسىزدىك قىزمەتىنە سىلتەمە جاساي وتىرىپ.
ءۇندىستاننان وزبەكستانعا قازاقستان ارقىلى كەپىلدەندىرىلمەگەن ساپالى دارىلىك زاتتاردىڭ ءىرى پارتيالارىن جەتكىزۋمەن اينالىساتىن ترانسشەكارالىق قىلمىستىق توپتىڭ قىلمىسى اشىلعان.
قاۋىپسىزدىك قىزمەتىنىڭ مالىمەتتەرى بويىنشا، دارى-دارمەكتىڭ كەزەكتى پارتياسى دەليدەن الماتىعا تاشكەنت ارقىلى ترانزيتپەن جەتكىزىلگەن. سودان كەيىن قازاقستاننىڭ تۇركىستان وبلىسى سارىاعاش اۋدانىنىڭ شەكارا ماڭىنداعى دوستىق اۋىلىنا اكەلىنىپ، قۇپيا تۋننەل ارقىلى تاشكەنت وبلىسىنداعى ماحاللاعا جەتكىزىلگەن.
ۇزىندىعى 310 مەترلىك تۋننەل 1975 جىلى تۋعان ماحاللا تۇرعىنىنىڭ ۇيىنەن قازىلعان. ول جەلدەتۋ جانە جارىقتاندىرۋمەن جابدىقتالعان، سونىمەن قاتار جۇك تاسىمالداۋعا ارنالعان اربالارى مەن ارقاندارى بار.
قىلمىستىق توپتىڭ بولجامدى مۇشەلەرىنەن ءۇندىستاندا جاسالعان 107 دارى-دارمەكتىڭ 17 048 پاكەتى تاركىلەندى، ونىڭ ىشىندە البۋمين، رەمدەسيۆير، مەروپەنەم جانە باسقالارى بار. ولاردىڭ جالپى قۇنى 1 ملرد سۋمنان استام سوماعا (37،5 ملن تەڭگە) باعالاندى.