بۇعان اكىمشىلىك جازا قاراستىرىلعان.
مەملەكەتتىك كىرىستەر كوميتەتى وكىلدەرىنىڭ ايتۋىنشا، ازاماتتىق كودەكسكە سايكەس، ق ر اۋماعىنداعى اقشالاي مىندەتتەمەلەر تەڭگەمەن كورسەتىلۋى ءتيىس، دەپ حابارلايدى Almaty-akshamy.kz
الماتىداعى ءدامحانالاردىڭ بىرىندە قوناقتارعا تاپسىرىس سوماسىن تەڭگەمەن دە، رۋبلمەن دە كورسەتكەن چەك ۇسىنىلعان.
TikTok-تا جاريالانعان بەينەدە جەرگىلىكتى تۇرعىنداردىڭ ءبىرى رەسەيلىك فرانچايزينگكە تيەسىلى پيسسەرياعا بارعان.
"جاڭا عانا پيسسەريادا بولدىم. بۇل رەسەيلىك فرانشيزا. مەن شوت سۇرادىم، ماعان چەك اكەلدى. وندا جيىنتىق سوما تەڭگەمەن دە، رۋبلمەن دە كورسەتىلگەن. ءبىز ءوز ۇلتتىق ۆاليۋتاسى بار تاۋەلسىز مەملەكەتتە ءومىر ءسۇرىپ جاتىرمىز، قازاقستاندا تەك وسى ۆاليۋتانى عانا پايدالانامىز. نەلىكتەن ولار ماعان رۋبلمەن ەسەپشوت اكەلەدى؟"- كەلۋشى اشۋلاندى.
مەملەكەتتىك كىرىستەر كوميتەتى نە دەيدى؟
مەملەكەتتىك كىرىستەر كوميتەتى بەينەدە ۇسىنىلعان چەك ق ر زاڭناماسىندا بەلگىلەنگەن باقىلاۋ-كاسسالىق چەك بولىپ تابىلمايتىنىن ءتۇسىندىردى.
"ق ر سالىق كودەكسىنە سايكەس ساتۋشى تاۋاردىڭ، جۇمىس پەن قىزمەتتىڭ تولەنگەن سوماسى ءۇشىن بكم چەگىن بەرۋگە مىندەتتى. "ۇلتتىق بانك تۋرالى" زاڭعا سايكەس قازاقستان تەڭگەسى ق ر اقشا بىرلىگى بولىپ تابىلادى. ازاماتتىق كودەكسكە سايكەس ق ر اۋماعىنداعى اقشالاي مىندەتتەمەلەر تەڭگەمەن كورسەتىلۋى ءتيىس"، – دەپ ەسكە سالدى مكك.
باقىلاۋ-كاسسالىق چەكتى قولدانۋ كەزىندە قويىلاتىن تالاپتاردى ساقتاۋ سالىق تولەۋشىنىڭ مىندەتى بولىپ تابىلادى. بۇزۋشىلىق ءۇشىن اكىمشىلىك جازا قاراستىرىلعان.