«ايەلدەردى كوپ دەيدى...»

قازاقستان حالقىنىڭ سانى وسكەن.

ەلىمىزدە ەرلەرگە قاراعاندا ايەلدەر كوپ، دەپ حابارلايدى Almaty-akshamy.kz ۇلتتىق ستاتيستيكا بيۋروسىنىڭ مالىيەتىنە سىلتەمە جاساپ.

بيۋرو 1 ماۋسىمداعى دەرەك بويىنشا قازاقستان حالقىنىڭ سانىن جاريالادى. جاڭارتىلعان دەرەكتەرگە سەنسەك، ەلىمىزدە 20 139 914 ادام بار ەكەن.

بيۋرونىڭ مالىمەتىنە سەنسەك، جىل باسىندا ەلىمىزدە 20 033 842 ادام تىركەلگەن. ءسويتىپ قازاقستاندىقتاردىڭ سانى 5 ايدا 100 مىڭنان استى.

ەلىمىزدىڭ ەڭ تىعىز قونىستانعان وڭىرلەرى بەستىگىنە الماتى (2 253 502 ادام)، تۇركىستان وبلىسى (2 149 210 ادام)، الماتى وبلىسى (1 543 588 ادام)، استانا (1 464 415 ادام) جانە شىمكەنت (1 236 901 ادام) كىرەدى.

ميلليوننان اسا حالقى بار وڭىرلەر قاتارىنا جامبىل (1 223 457 ادام) جانە قاراعاندى وبلىستارى دا (1 134 935 ادام) كىرەدى. اقتوبە وبلىسى دا وسى شەككە جاقىندادى: 1 ماۋسىمداعى جاعداي بويىنشا مۇندا 943 615 ادام تۇردى.

ەل تۇرعىندارىنىڭ باسىم بولىگى قالادا قونىستانعان – 12 552 583 ادام. ال ەلدىمەكەندەردە تۇراتىن حالىق سانى – 7 587 331. ايەلدەر (10 302 166) ەرلەرگە (9 837 748) قاراعاندا الدەقايدا كوپ.