قازاقستاننىڭ وسك جيگۋلي دايرابايەۆتىڭ قۇجاتتارىن قابىلدادى

پرەزيدەنت سايلاۋى 20 قاراشادا وتەدى.

جيگۋلي دايرابايەۆ «اۋىل» حالىقتىق-دەموكراتيالىق پاتريوتتىق پارتياسى» رەسپۋبليكالىق كاسىپوداقتار بىرلەستىگىنەن پرەزيدەنتتىككە كانديدات بولىپ ۇسىنىلعانى تۋرالى قۇجاتتارىن وسك-نا تاپسىردى، دەپ حابارلايدى Almaty-akshamy.kz.

«2022 جىلعى 5 قازاندا قازاقستان رەسپۋبليكاسىنىڭ ورتالىق سايلاۋ كوميسسياسىنا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋسيالىق زاڭىنىڭ 54 جانە 55-باپتارىنا، سونداي-اق «قازاقستان رەسپۋبليكاسى پرەزيدەنتىنىڭ 2022 جىلعى 20 قاراشاعا تاعايىندالعان كەزەكتەن تىس سايلاۋى بويىنشا سايلاۋ قۇجاتتارىنىڭ نىساندارىن بەلگىلەۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2022 جىلعى 23 قىركۇيەكتەگى № 67/545 قاۋلىسىنا سايكەس جيگۋلي مولداقالىق ۇلى دايرابايەۆتىڭ «اۋىل» حالىقتىق-دەموكراتيالىق پاتريوتتىق پارتياسى» رەسپۋبليكالىق كاسىپوداقتار بىرلەستىگىنەن قازاقستان رەسپۋبليكاسىنىڭ پرەزيدەنتتىگىنە كانديدات بولىپ ۇسىنىلعانى تۋرالى كەلەسى قۇجاتتارى ۇسىنىلدى:

1. «اۋىل» حالىقتىق-دەموكراتيالىق پاتريوتتىق پارتياسى» رەسپۋبليكالىق قوعامدىق بىرلەستىگىنىڭ جوعارى ورگانى وتىرىسىنىڭ قازاقستان رەسپۋبليكاسىنىڭ پرەزيدەنتتىگىنە ۇسىنۋ تۋرالى حاتتاماسىنان ءۇزىندى؛


2. ج.م. دايرابايەۆتىڭ قازاقستان رەسپۋبليكاسىنىڭ پرەزيدەنتتىگىنە كانديدات بولۋعا كەلىسىمى تۋرالى ءومىرباياندىق دەرەكتەرى قوسا بەرىلگەن ءوتىنىشى؛


3. قازاقستان رەسپۋبليكاسى ورتالىق سايلاۋ كوميسسياسىنىڭ شوتىنا سايلاۋ جارناسىنىڭ ەنگىزىلگەنىن كۋالاندىراتىن قۇجات؛


4. جەكە باسىن كۋالاندىراتىن قۇجاتتىڭ كوشىرمەسى؛


5. جوعارى ءبىلىمى تۋرالى ديپلومداردىڭ كوشىرمەلەرى»، - دەلىنگەن وسك اقپاراتتىق حابارىندا.