ساياسي پارتيالاردىڭ وكىلدەرى «سايلاۋ بارىسىنا قاجەتتى تەوريا مەن تاجىريبە» تاقىرىبىندا ارنايى وقۋ كۋرسىنان وتۋدە.
ورتالىق سايلاۋ كوميسسياسى جانىنداعى ەلەكتورالدى وقىتۋ ورتالىعى ۇيىمداستىرعان شاراعا ەلىمىزدە تىركەلگەن بارلىق پارتيانىڭ وكىلدەرى قاتىسۋدا. ولار مۇندا بىلىكتىلىگىن ارتتىرىپ قانا قويماي، سايلاۋدى وتكىزۋدىڭ ءبىرتۇتاس ۇلگىسىن قالىپتاستىرۋدى مەڭگەرەدى، دەپ حابارلايدى Almaty-akshamy.kz.
24 ساعاتتىق سەمينار پارتيا وكىلدەرىنە ءوز قۇقىقتارى مەن مىندەتتەرىن تولىق تۇسىنۋگە مۇمكىندىك بەرمەك.
«سايلاۋ باستالعاننان بەرى تىركەلۋ ماسەلەسى، ودان كەيىن سايلاۋالدى ۇگىت-ناسيحاتتى جۇرگىزۋ، جانە سايلاۋ بارىسىندا بايقاۋشى رەتىندە قاتىسۋ ماسەلەلەرىنە باسا نازار اۋدارامىز. ويتكەنى كەي جاعدايدا وسى ماسەلەلەردى زاڭ جۇزىندە جۇزەگە اسىرۋ قيىندىق تۋدىرىپ جاتادى»،- دەيدى ق ر وسك ەلەكتوراتتى وقىتۋدى ۇيىمداستىرۋ ءبولىمىنىڭ مامانى ءتۇسىپ رىسبەكوۆ.