ساراپشىلار بۇۇ-نىڭ ورتالىق ازياداعى تۇراقتى دامۋ ماقساتتارىن ىلگەرىلەتۋ بويىنشا حاب مارتەبەسى الماتىعا 115 ميلليوننان استام ادام تۇراتىن ورتالىق ازيا ايماعىنىڭ جاڭا ءوسۋ نۇكتەسىنە اينالۋعا مۇمكىندىك بەرەتىنىن اتاپ ءوتتى.
سونىمەن قاتار جاڭا مارتەبە الماتىنىڭ تۇراقتى دامۋ ماقساتتارىن شەشۋ ءۇشىن حالىقارالىق قارجى مەن وزىق تەحنولوگيالاردى تارتۋ الەۋەتىن ارتتىرادى، دەپ حابارلايدى Almaty-akshamy.kz.
بۇل مەگاپوليستىڭ ورتالىق ازيا، ەۋرازيالىق ەكونوميكالىق وداق، شانحاي ىنتىماقتاستىق ۇيىمى مەن اۋعانستان ەلدەرىنە ەكسپورتتالاتىن تابىستى جوبالارىن كوبەيتە وتىرىپ، حالىقارالىق قۇزىرەت ورتالىعىن قالىپتاستىرۋ مۇمكىندىكتەرىن ارتتىرادى. سونداي-اق الماتى قىركۇيەك ايىنىڭ سوڭىندا بۇۇ-نىڭ تۇراقتى دامۋ ماقساتتارىن ىلگەرىلەتكەن الەمدەگى العاشقى ايماقتىق حاب-قالا اتانعانىن ايتا كەتۋ كەرەك.