قازاقستاننىڭ ورتالىق سايلاۋ كوميسسياسى رەسپۋبليكالىق رەفەرەندۋمعا حالىقارالىق باقىلاۋشىلاردى اككرەديتتەدى.
سىرتقى ىستەر مينيسترلىگىنىڭ ۇسىنىسى بويىنشا ۇيىمدار مەن شەت مەملەكەتتەر بايقاۋشىلارىنىڭ تىزىمىندە 39 ادام بار، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
تمد بايقاۋشىلارى ميسسياسىنان - 6، دوستاستىقتىڭ پارلامەنتارالىق اسسامبلەياسىنان – 17، تۇركى مەملەكەتتەرى ۇيىمىنان 5 بايقاۋشى اككرەديتتەلدى. ازەربايجان، بەلارۋس، بولگاريا، گرۋزيا، مولدوۆا ەلدەرىنەن 11 بايقاۋشى تىركەلدى.
حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ 30 مامىر ساعات 18:00-گە دەيىن جالعاسادى. ەسكە سالساق، قازاقستان كونستيتۋسياسىنا تۇزەتۋلەر ەنگىزۋ بويىنشا رەسپۋبليكالىق رەفەرەندۋم 5 ماۋسىمعا تاعايىندالعان.